ຄວາມເປັນມາ

ສະມາຄົມສົ່ງເສີມສຸຂະພາບຄອບຄົວ (ສສສຄ) ເປັນອົງການຈັດຕັ້ງທາງສັງຄົມທີ່ບໍ່ຫວັງຜົນກຳໄລ (NPA) ໄດ້ຖືກສ້າງຂື້ນໂດຍ ການອະນຸມັດຈາກະຊວງພາຍໃນ, ວັນທີ28 ມິຖຸນາ 2012, ເພື່ອຊ່ວຍເຫຼືອປະຊາຊົນທີ່ເປັນກຸ່ມສ່ຽງ ແລະ ກຸ່ມທີ່ດ້ວຍໂອກາດ.

ສສສຄ ໄດ້ຮັບການສະໜັບສະໜູນ ດ້ານວິຊາການແລະ ທຶນຮອນ ຈາກສະຫະພັນວາງແຜນຄອບຄົວສາກົນ (IPPF) ທີ່ມີຫ້ອງການພາກພື້ນຢູ່ປະເທດມາເລເຊຍ ນັບແຕ່ປີ 2004 ເປັນຕົ້ນມາ ສສສຄ. ຍັງເປັນສະມາຊິກຂອງ(IPPF).

ປະຈຸບັນ ສສສຄ ມີສະມາຊິກຫຼາຍກວ່າ 50 ຄົນ ທີ່ມີປະສົບການ, ຄວາມຊ່ຽວຊານ ແລະ ປະຫວັດການເຮັດວຽກທີ່ຫຼາກຫຼາຍ ແລະ ແຕກຕ່າງກັນ.

ສສສຄ. ມີວິໄສທັດ, ພາລະກິດ, ຄ່ານິຍົມ ແລະ ຄາດໝາຍ 2023-2028 ດັ່ງລຸ່ມນີ້:



ວິໄສທັດ

“ສະມາຄົມສົ່ງເສີມສຸຂະພາບຄອບຄົວ (ສສສຄ) ປາດຖະໜາໃຫ້ທຸກຄົນໃນສັງຄົມ ມີສຸຂະພາບແຂງແຮງ ແລະ ມີຄວາມຜາສຸກ ປະກອບສ່ວນໃຫ້ກັບ ສປປ ລາວ ຫຼຸດພົ້ນອອກຈາກສະຖານະພາບການເປັນປະເທດກດ້ວຍພັດທະນາ”



ພາລະກິດ

“ສສສຄ ເປັນອົງການນຳໜ້າໃນດ້ານສຸຂະພາບຄອບຄົວ ແນ່ໃສ່ເຮັດໃຫ້ປະຊາຊົນລາວໄດ້ຮັບຂໍ້ມູນຂ່າວສານທີ່ຖືກຕ້ອງ,ທັນສະໄໝດ້ວຍວິທີສ້າງສັນ ແລະ ການບໍລິການທີ່ມີຄຸນນະພາບດ້ານສຸຂະພາບຈະເລີນພັນ ໂດຍ ສົ່ງເສີມບຸກຄົນ ຜ່ານການໃຫ້ຄວາມຮູ້, ການປູກຈິດສໍານຶກ ແລະ ການບໍລິການ ລວມທັງປັບປຸງຄຸນນະພາບການບໍລິການໃຫ້ກັບກຸ່ມເປົ້າໝາຍ ດ້ວຍການຮ່ວມມື ກັບ ພາກລັດຖະບານ, ພາກສ່ວນກ່ຽວຂ້ອງຕ່າງໆ ແລະ ອົງການຈັດຕັ້ງທາງສັງຄົມອື່ນໆ”



ຄ່ານິຍົມ

ສ້າງເຄື່ອຂ່າຍ, ເຮັດວຽກເປັນທີມ, ເຄົາລົບເຊິ່ງກັນ ແລະກັນ, ໄວ້ວາງໃຈກັນ, ມີຄວາມຊື່ສັດ, ໂປ່ງໃສ, ເຮັດວຽກເປັນມືອາຊີບ, ມີປະສິດທິພາບ, ປະສິດທິຜົນ ແລະ ມີນ້ຳໃຈອາສາ.



ຄາດໝາຍ

• ບໍລິການສຸຂະພາບຈະເລີນພັນ ແລະ ສິດທິທາງເພດໃຫ້ໄດ້ 1 ລ້ານບໍລິການ
• ປັບປຸງລະບົບພາຍໃນໃຫ້ໄດ້ມາດຕະຖານ
• ພັດທະນາບຸກຄະລາກອນ ໃຫ້ມີຄວາມສາມາດສູງ
• ລະດົມທຶນສ້າງລາຍໄດ້ ໃຫ້ໄດ້ທົບເທົ່າ

ສສສຄ ສຸມໃສ່ວຽກງານດ້ານ ສຸຂະພາບຈະເລີນພັນ ແລະ ສິດທິດ້ານສຸຂະພາບຈະເລີນພັນ

ການດູແລສຸຂະພາບ ແມ່ ແລະ ເດັກ
ສຸຂະພາບໄວລຸ້ນ/ໄວໜຸ່ມ
ພະຍາດຕິດຕໍ່ທາງເພດສໍາພັນ/ເອດ
ການວາງແຜນຄອບຄົວ
ການລຸລູກທີ່ປອດໄພ
ມະເຮັງໃນລະບົບສືບພັນ
ຄວາມສະເໜີພາບ ບົດບາດຍິງ-ຊາຍ
ໂພຊະນາການ
ການດູແລສຸຂະພາບຜູ້ສູງອາຍຸ

376677167_324525009967539_5749938350909382167_n

ພວກເຮົາເຮັດວຽກຢູ່ໃສ?

ສສສຄ. ໄດ້ຈັດຕັ້ງປະຕິບັດໂຄງການ ໃນຕົວເມືອງ, ຊຸມຊົນ ແລະ ຊົນນະບົດ. ໂດຍສະເພາະແມ່ນຊ່ວຍເຫຼືອປະຊາຊົນໃນເຂດຫ່າງໄກສອກຫຼີກ ແລະ ຈະຂະຫຍາຍໄປແຂວງທີ່ເປັນບູລິມະອິດ ໃນອະນາຄົດອັນໃກ້ນີ້. ປະຈຸບັນ ສສສຄ. ມີພື້ນທີ່ເປົ້າໝາຍເຮັດວຽກຢູ່ 5 ແຂວງ ຄື: