ໃນວັນທີ 22/09/2023 ທີ່ຜ່ານມາ, ສະມາຄົມສົ່ງເສີມສຸຂະພາບຄອບຄົວຮ່ວມກັບສາທາລະນະສຸກເມືອງວຽງພູຄາ,ໂຮງໝໍຊຸມຊົນເມືອງ, ໂຮງໝໍນ້ອຍນໍ້າຟ້າ, ໂຮງໝໍນ້ອຍນໍ້າເງິນ ໄດ້ຈັດຕັ້ງປະຕິບັດກິດຈະກໍາ ການກວດພະຍາດເຄື່ອນທີ່ ແລະ ການໃຫ້ສຸຂະສຶກສາໃຫ້ແກ່ນັກຮຽນຊັ້ນມໍ1 ຫາ ມໍ7 ຂອງໂຮງຮຽນມັດທະຍົມສົມບູນເທດສະບານເມືອງວຽງພູຄາ, ແຂວງ ຫຼວງນໍ້າທາ. ໃຫ້ກຽດເປັນປະທານຮ່ວມໂດຍ ທ່ານ ອາຈານ ສິງ ລໍວັນກູ້ ຫົວໜ້າອໍານວຍການໂຮງຮຽນມັດທະຍົມສົມບູນເທດສະບານເມືອງວຽງພູຄາ ແລະ ທ່ານ ນາງ ດຣ. ສຸດທິສຸກ ອິນທະວິໄລ ຮອງອໍານວຍການ ສສສຄ.

 

ຈຸດປະສົງຂອງການເຮັດກິດຈະກໍາຄັ້ງນີ້້ແມ່ນເພື່ອເຮັດການກວດພະຍາດ, ການໃຫ້ຄວາມຮູ້ພື້ນຖານໃນການປ້ອງກັນພະຍາດທີ່ກ່ຽວຂ້ອງກັບສຸຂະພາບຈະເລີນພັນເຊັ່ນ: ພະຍາດຕິດຕໍ່ທາງເພດສໍາພັນ, ພະຍາດHIV/AIDS, ການວາງແຜນຄອບຄົວ, ການເບິ່ງແຍງຕົນເອງເວລາເປັນປະຈໍາເດືອນ ແລະ ການປ່ຽນແປງທາງຮ່າງກາຍຂອງໄວໜຸ່ມ.

ຜູ້ເຂົ້າຮ່ວມກິດຈະກໍາສຸຂະສຶກສາທັງໝົດ 579 ທ່ານ, ເປັນຍິງ 295 ທ່ານ, ຊາຍ 284 ທ່ານ ທີ່ປະກອບດ້ວຍ: ທ່ານໝໍຈາກຫ້ອງການສາທາ, ໂຮງໝໍນ້ອຍ 2 ແຫ່ງ, ພະນັກງານ ສສສຄ, ນັກຮຽນ ແລະ ຄູອາຈານຢູ່ພາຍໃນໂຮງຮຽນ ເຊິ່ງໃນນີ້ມີຜູ້ເຂົ້າຮັບການກວດພະຍາດທົ່ວໄປ ແມ່ນຈໍານວນ 35 ທ່ານ, ຍິງ 21 ທ່ານ, ມາຮັບຄໍາປຶກສາກ່ຽວກັບການເປັນປະຈໍາເດືອນ 4 ທ່ານ ແລະ ການວາງແຜນຄອບຄົວ 1 ທ່ານໂດຍເປັນທ່ານຍິງທັງໝົດ. ການລົງເຮັດກິດຈະກຳຄັ້ງນີ້ ແມ່ນໄດ້ຮັບທຶນຊ່ວຍເຫຼືອຈາກ ສະຫະພັນວາງແຜນຄອບຄົວສາກົນ( IPPF )

ໃນວັນທີ 18-20/09/2023 ທີ່ຜ່ານມາ, ສະມາຄົມສົ່ງເສີມສຸຂະພາບຄອບຄົວ(ສສສຄ), ພາຍໃຕ້ໂຄງການເຊື່ອມສານແມ່ປອດໄພ ແລະ ໂຄງການຕອບສະໜອງ(RESPOND) ໄດ້ຈັດຕັ້ງປະຕິບັດການຝຶກອົບຮົມໃນຫົວຂໍ້ “ ການຝຶກອົບຮົມການປ້ອນຂໍ້ມູນ ແລະ ນຳໃຊ້ຂໍ້ມູນໃນລະບົບ DHIS2 ” ທີ່ພະແນກສາທາລະນະສຸກແຂວງ ຫຼວງນໍ້າທາ.ໃຫ້ກຽດເປັນປະທານໃນການຝຶກອົບຮົມຄັ້ງນີ້ໂດຍ ທ່ານ ດຣ. ຕຽງສະໝອນ ພອນປະເສີດ, ຫົວໜ້າພະແນກສາທາລະນະສຸກແຂວງຫຼວງນໍ້າທາ ແລະ ທ່ານ ນາງ ດຣ. ສຸດທິສຸກ ອິນທະວິໄລ, ຮອງອໍານວຍການ ສສສຄ ເປັນປະທານຮ່ວມ. ມີການເຂົ້າຮ່ວມຈັດຕັ້ງປະຕິບັດກິດຈະກໍາໂດຍ ວິຊາການ ໂຄງການ ຂອງ ສສສຄ 3 ທ່ານ.

ຈຸດປະສົງຂອງການຝຶກອົບຮົມແມ່ນເພື່ອເສີມສ້າງຄວາມອາດສາມາດກ່ຽວກັບການນໍາໃຊ້, ການປ້ອນຂໍ້ມູນເຂົ້າໃນລະບົບ DHIS2 ໃຫ້ກັບພະນັກງານສາທາລະນະສຸກຂັ້ນເມືອງ, ໂຮງໝໍນ້ອຍເປົ້າໝາຍຂອງໂຄງການ ເພື່ອໃຫ້ເຂົາເຈົ້າສາມາດເຮັດການປ້ອນຂໍ້ມູນເຂົ້າໃນລະບົບ DHIS2 ໄດ້ຢ່າງຖືກຕ້ອງ ແລະ ທັນຕາມເວລາທີ່ກໍານົດໄວ້.

ມີຜູ້ເຂົ້າຮ່ວມທັງໝົດ 41 ທ່ານ, ເປັນຍິງ 24 ທ່ານ, ຊາຍ 17 ທ່ານ ເຊິ່ງມາຈາກພະແນກສາທາລະນະສຸກແຂວງ, ຫ້ອງການສາທາລະນະສຸກເມືອງ, ໂຮງໝໍຊຸມຊົນເມືອງ ແລະ ໂຮງໝໍນ້ອຍ. ການລົງເຮັດກິດຈະກຳຄັ້ງນີ້ ແມ່ນໄດ້ຮັບທຶນຊ່ວຍເຫຼືອຈາກ ສະຫະພັນວາງແຜນຄອບຄົວສາກົນ. ພາຍໃຕ້ໂຄງການ ” ເຊື່ອມສານແມ່ປອດໄພແລະໂຄງການຕອບສະໜອງ(RESPOND).

ຂຽນໂດຍ: ນ. ແສງສະໄໝ ສ່ຽນສີລິບຸດ, ວິຊາການແຜນງານ ສສສຄ.

ຖ່າຍພາບໂດຍ: ນ. ແສງສະໄໝ ສ່ຽນສີລິບຸດ, ວິຊາການແຜນງານ ສສສຄ.

ກວດໂດຍ: ທ່ານ ແສງເພັດ ທະບັນດິດ, ອໍານວຍການແຜນງານ ສສສຄ.

ໃນລະຫວ່າງວັນທີ 07-11 ກັນຍາ 2023 ທີ່ຜ່ານມາ

ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ຫ້ອງການສາທາລະນະສຸກເມືອງຮຸນ ແຂວງອຸດົມໄຊ ໄດ້ລົງຈັດຕັ້ງກິດຈະກຳສະໜັບສະໜູນປັບປຸງຫ້ອງໃຫ້ຄຳທີ່ເປັນມິດປິດລັບແກ່ໄວໜຸ່ມພາຍໃນໂຮງໝໍຊຸມຊົນ ແລະ ໂຮງໝໍນ້ອຍ 9 ແຫ່ງພາຍໃນ ເມືອງຮຸນ ຄື: ໂຮງໝໍຊຸມຊົນເມືອງຮຸນ, ໂຮງໝໍນ້ອຍໂພນໄຊ, ຮໝນ ນ້ຳພວນ, ຮໝນ ນາຊຽງດີ, ຮໝນ ສີບຸນເຮືອງ, ຮໝນ ພູແຊ, ຮໝນ ນາວາງ, ຮໝນ ນ້ຳພູນ, ຮໝນ ພູວຽງໄຊ ແລະ ຮໝນ ຜາຄຳ

ຈຸດປະສົງ:

– ເພື່ອປັບປຸງຫ້ອງໃຫ້ຄຳປຶກສາໃຫ້ກັບໂຮງໝໍຊຸມຊົນ ແລະ ໂຮງໝໍນ້ອຍ.

– ເພື່ອສະໜັບສະໜູນອຸປະກອນ ແລະ ສື່ສິ່ງພີມທີ່ຈຳເປັນໃນຫ້ອງໃຫ້ຄຳປຶກສາ, ເປັນສີ່ງຈູງໃຈໃຫ້ໄວຫນຸ່ມຮູ້ສຶກສະບາຍໃຈທີ່ຈະມາໃຊ້ບໍລິການ.

– ເພື່ອເຮັດໃຫ້ໂຮງໝໍຊຸມຊົນ ແລະ ໂຮງໝໍນ້ອຍໄດ້ມີຫ້ອງໃຫ້ຄຳປຶກສາທີ່ເປັນມິດປິດລັບແກ່ໄວໜຸ່ມ.

ທີມງານທີ່ລົງຈັດຕັ້ງປະຕິບັດກິດຈະກຳໃນຄັ້ງນີ້ປະກອບມີ: ທ່ານ ນ. ຈັນທາ ສຸກັນທາ ວິຊາການ ຫນ່ວຍງານແມ່ ແລະ ເດັກ ຫ້ອງການສາທາເມືອງຮຸນ, ທີມງານຈາກ ສສສຄ ມີ: ທ່ານ ນາງ ທິບພະຈັນ ອິນທະວົງ ຜູ້ບໍລິຫານໂຄງການ, ທ່ານ ວັນນານ້ອຍ ນິຍົມສິນ ວິຊາການໂຄງການ, ທ່ານ ນາງ ຂັນທະລີ ວຽນນະໃສ ຜູ້ຊ່ວຍການເງິນ, ທ່ານ ນ. ວົງນິລັນ ແອງທອງມີ ຜູ້ຊ່ວຍໂຄງການພາກສະຫນາມ.

ອຸປະກອນ ຫຼື ສີ່ງອຳນວຍຄວາມສະດວກໃນຫ້ອງໃຫ້ຄຳປຶກສາມີ: ໂຕະ, ຕັ່ງ, ຕູ້ໃສ່ເອກະສານ, ຊັ້ນວາງເຄື່ອງ, ໂພສເຕີລ້າງມື 7 ຂັ້ນຕອນ, ແຜ່ນການຈະເລີນເຕີບໂຕຂອງຮ່າງກາຍໄວໜຸ່ມຊາຍ-ຍິງ, ວິທີການວາງແຜນຄອບຄົວ, ລະບົບສືບພັນເພດຊາຍ-ເພດຍິງ, ແຜ່ນວິທີການດູແລໃນເວລາເປັນປະຈຳເດືອນ, ແຜ່ນຄວາມຮູ້ພື້ນຖານກ່ຽວກັບ HIV/AIDS, ພະຍາດຕິດຕໍ່ທາງເພດສຳພັນເພດຊາຍ – ເພດຍິງ (ພຕພ), ວິທີໃສ່ຖົງຢາງອະນາໄມ, ປ້າຍສະໜັບສະໜູນ ຮອຍຍີ້ມໄວໜຸ່ມ ແລະ ປ້າຍຫ້ອງໃຫ້ຄຳປືກສາ ໄດ້ຕິດຕັ້ງ ແລະ ຈັດວາງສື່ສິ່ງພີມອື່ນໃສ່ຝາທີ່ເໝາະສົມ ຕາມການເຫັນດີຂອງຄະນະອຳນວຍການໂຮງໝໍຊຸມຊົນ ແລະ ໂຮງໝໍນ້ອຍ.

ພາຍຫຼັງທີ່ໄດ້ປັບປຸງຫ້ອງໃຫ້ຄຳປຶກສາສຳເລັດແລ້ວ ທີມງານໄດ້ມີການສົນທະນາແລກປ່ຽນຄວາມຄິດເຫັນ, ຂໍ້ສະເໜີຕ່າງໆ ແລະ ປິດທ້າຍດ້ວຍການຖ່າຍຮູບມອບຮັບ.

ມີຜູ້ເຂົ້າຮ່ວມທັງໝົດ 26 ຄົນ ຍິງ 17 ຄົນ

ໃຫ້ທຶນສະໜັບສະໜູນໂດຍ: Plan Finland & ກະຊວງການຕ່າງປະເທດຟິນແລນ

ພາຍໃຕ້ໂຄງການ My Body My future (MBMF)

ຂຽນຂ່າວໂດຍ: ນ. ວົງນິລັນ ແອງທອງມີ

ຖ່າຍພາບໂດຍ: ນ.ທິບພະຈັນ ອິນທະວົງ

ຂຽນໂດຍ: ທ. ວິລະສິດ ອິນທະຫວາ

ຖ່າບພາບໂດຍ: ທ. ວິລະສິດ ອິນທະຫວາ