by tony_admin | ກ.ກ. 27, 2023 | ຂ່າວສານ
ໃນຕອນເຊົ້າ ຂອງວັນທີ 15 ກໍລະກົດ 2023, ສະມາຄົມສົ່ງເສີມສຸຂະພາບຄອບຄົວ (ສສສຄ) ໄດ້ຖືກເຊີນ ຈາກ ກຸ່ມຜູ້ອາວຸໂສ ບໍານານ ທີ່ຮຽນຈົບຈາກ ສ ສ ຫວຽດນາມ ໃນອາດີດ ໃຫ້ໄປເຜີຍແຜ່ຄວາມຮູ້ ກ່ຽວກັບ ວິທີການຮັກາສາສຸຂະພາບຜູ້ສູງອາຍຸ ຢູ່ທີ່ ຫໍວັດທະນະທໍາ ຫວຽດນາມ ເສັ້ນທາງ 450 ປີ. ຈຸດປະສົງ ແມ່ນເພື່ອ ສົ່ງເສີມສຸຂະພາບຜູ້ສູງອາຍຸ ເຊິ່ງນໍາພາທີມໂດຍ ທ່ານ ນາງ ດຣ ຈັນສີພີມພະຈັນ, ປະທານສະມາຄົມ ພ້ອມດ້ວຍທີມງານ ທ່ານ ນາງ ດຣ ລັດຕິພອນ ອູລາ, ກອງເລຂາ ແລະ ດຣ ສຸພົນ ໄຊຍະວົງ, ຜູ້ອໍານວຍການ. ລະຫວ່າງນັ້ນ ຜູ້ເຂົ້າຮ່ວມ ໄດ້ຮຽນຮູ້ກ່ຽວກັບພາບລວມ ສສສຄ, ວິທີການຮັກສາສຸຂະພາບຜູ້ສູງອາຍຸ ແລະ ຍັງໄດ້ມີການສົນທະນາ ແລກ ປ່ຽນ ແລະ ສອບຖາມກ່ຽວກັບຂໍ້ຂ້ອງໃຈຂອງຕົວເອງ. ຜ່ານການເຜີຍແຜ່, ຜູ້ເຂົ້າຮ່ວມຕ່າງກໍ່ສະແດງຄວາມສົນໃຈ ແລະ ດີໃຈ ທີ່ທາງ ສສສຄ ໄດ້ໄປໃຫ້ຄວາມຮູ້ດັ່ງກ່າວ.
—————————————————
In the morning, On 15 July 2023, the Promotion of Family Health Association(PFHA) was invited from the elderly group Vietnam Alumni to provide health education on elderly health care at the Vietnam Culture hall on the 450 road. The purpose is to promote elderly health care and led by Dr Chansy Phimphachanh, President, Dr Ratthiphone Oula and Dr Souphon Sayavong, Executive Director. During the session, the participant learned about PFHA overview and taking care of elderly health. In addition, there were discussion such as questions and answers to boost their understanding. Through the learning session, the participant showed their interest and appreciation to the team.
by tony_admin | ກ.ກ. 9, 2023 | ຂ່າວສານ
ການຈັດປະຖົມມະນິເທດເພື່ອເຂົ້າເປັນສະມາຊິກຂອງ ສະຫະພັນວາງແຜນຄອບຄົວສາກົນ(IPPF)
ໃນລະຫວ່າງວັນທີ 5-6, ເດືອນ ກໍລະກົດ, ປີ 2023, ທາງ ສສສຄ ໄດ້ ຈັດກອງປະຊຸມປະຖົມມະນິເທດ ໃຫ້ກັບ ຄະນະບໍລິຫານງານ ແລະ ພະນັກງານ ລວມເຖິງອາສາສະມັກ ໃນຫົວຂໍ້ ການເຂົ້າເປັນສະມາຊິກ ຂອງ ສະຫະພັນວາງແຜນຄອບຄົວສາກົນ(IPPF) ຈຸດປະສົງ ເພື່ອສ້າງຄວາມເຂົ້າໃຈ ໃຫ້ກັບ ຜູ້ເຂົ້າຮ່ວມເຖິງມາດຖານ ແລະ ກົດລະບຽບການສະມາຊິກ ຂອງ IPPF. ກ່າວຕ້ອນຮັບ ແລະ ເປີດກອງປະຊຸມໂດຍ ທ່ານນາງ ດຣ ຈັນສີ ພິມພະຈັນ ປະທານ ສສສຄ ພ້ອມຄະນະປະທານ, ຜູ້ອໍານວຍການ, ພະນັກງານ ແລະ ອາສາ ລວມທັງໝົດ 31 ທ່ານ ແລະ ຍິງ 22 ທ່ານ. ຜູ້ບັນຍາຍ ແມ່ນ ທ່ານ ນາງ Juliana Premala Moses ແລະ ນາງ ທ່ານ NurmajDina BINTI ABDULLAH ຈາກຫ້ອງການພາກພື້ນຂອງສະຫະພັນວາງແຜນຄອບຄົວສາກົນ (IPPF). ລະຫວ່າງ ການນໍາສະເໜີ ຜູ້ເຂົ້າຮ່ວມໄດ້ ຮຽນຮູ້ເຖິງ ເຄືອຂ່າຍ IPPF, ເງື່ອນໄຂ, ມາດຖານ ແລະ ຍຸດທະສາດ ລວມ ເຖິງວິທີການເຮັດວຽກ ຂອງ ການເຂົ້າເປັນສະມາຊິກ.
ນອກຈາກນັ້ນ ຕົວແທນສອງທ່ານ ຍັງໄດ້ ເຂົ້າຢ້ຽມຢາມ ຫ້ອງການ ແລະ ຫ້ອງໃຫ້ຄໍາປຶກສາ ຕອນບ່າຍ. ການປະຊຸມ ແລະ ມາ ຢ້ຽມຢາມ ສສສຄ ຂອງ ຕົວແທນ ສອງທ່ານ ຂອງ IPPF ໃນຄັ້ງນີ້ ໄດ້ມີການແລກປ່ຽນສົນທະນາປຶກສາຫາລື ແລະ ແລກປ່ຽນກັນ ເຮັດໃຫ້ ຄະນະບໍລິຫານ, ພະນັກງານ ແລະ ອາສາສະມັກ ຮູ້ ແລະ ເຂົ້າໃຈແຈ້ງຂຶ້ນ ກ່ຽວກັບຂະບວນການ ແລະ ຂັ້ນຕອນການກະກຽມສະມັກເຂົ້າເປັນສະມາຊິກຂອງ IPPF ລວມເຖິງ ພາລະບົດບາດ ຂອງແຕ່ລະຝ່າຍ.
Orientation to become a association member of the International Family Planning Federation (IPPF)
During July 5-6, 2023, PFHA organized a national planning commission orientation meeting for management board and staff including volunteers on the topic “become a member of the International Family Planning Federation (IPPF)”. The meeting was welcomed and opened by Dr. Chansy Phimphachanh, the president of PFHA, together with the board of directors, directors, staff and volunteers, participant are 31 people and 22 women. The speakers are Mrs. Juliana Premala Moses and Mrs. NurmajDina BINTI ABDULLAH from the regional office of the International Planned Parenthood Federation (IPPF).
During the presentation, participants learned about the IPPF network, criteria, standard and strategies including how membership works.
In addition, two representatives also visited the office and consultation room in the afternoon. The meeting and visit of the two representatives of IPPF this time had an exchange of discussion and exchange so that the management board, staff and volunteers know and understand better about the process and procedure of preparing to become a member of IPPF including the role of each party.
by tony_admin | ກ.ກ. 5, 2023 | ຂ່າວສານ
ເຜີຍແຜ່ເລື່ອງສຸຂະພາບຈະເລີນພັນ, ສິດທິທາງເພດ ແລະ ການບໍລິການທີ່ເປັນມິດປິດລັບ ໃຫ້ແກ່ເຍົາວະຊົນ-ໄວໜຸ່ມ ໃນ 15 ບ້ານເປົ້້າໝາຍ ຢູ່ເມືອງຮຸນ ແຂວງ ອຸດົມໄຊ Promotion of AFHS provided by HCs and helplines among adolescents
ໃນລະຫວ່າງວັນທີ 18 – 28 ມິຖຸນາ 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ຫ້ອງການສາທາລະນະສຸກເມືອງຮຸນ ພາຍໃຕ້ໂຄງການ : ຮ່າງກາຍຂອງຂ້ອຍ ອະນາຄົດຂອງຂ້ອຍ My Body My Future. “ ໄດ້ລົງເຜີຍແຜ່ໃຫ້ຄວາມຮູ້ເລື່ອງສຸຂະພາບຈະເລີນພັນ, ສິດທິທາງເພດ ແລະ ສະຖານທີ່ບໍລິການທີ່ເປັນມິດໃຫ້ແກ່ເຍົາວະຊົນ-ໄວໜຸ່ມ ” ກຸ່ມອາຍຸ 10-24ປີ ຢູ່ໃນ 15 ບ້ານເປົ້າໝາຍໂຄງການໃນເມືອງຮຸນຄຶ: ບ້ານ ຈັນໄຕ, ບ້ານ ແຟນ, ບ້ານ ສົມພອນ, ບ້ານ ໜອງປາ, ບ້ານ ແກ້ວ, ບ້ານ ມົກຫຼັກ, ບ້ານ ນ້ຳຫນື່ງ, ບ້ານ ໂພນໄຊ, ບ້ານມົກພອດດ ບ້ານກອນເທີຍ, ບ້ານ ຜາຄຳ, ບ້ານ ມົກກະຈອກ, ບ້ານ ຕາດຕະແລ, ບ້ານ ນາວາງ, ບ້ານ ນ້ຳໝ້ຽງ. ທີມງານລົງຈັດຕັ້ງປະຕິບັດກິດຈະກຳຄັ້ງນີ້ປະກອບມີ: ທ່ານ ນາງ ຈັນທາ ສຸກັນທາ ວິຊາການ ໜ່ວຍງານແມ່ແລະເດັກ ຫ້ອງການສາທາລະນະສຸກເມືອງຮຸນ, ທ່ານ ນາງ ລັດດາວອນ ພັນທະວົງ ວິຊາການເກີດລູກ – ພະຍາດຍິງ ໂຮງໝໍຊູມຊົນເມືອງຮຸນ, ທ່ານ ວັນນານ້ອຍ ນິຍົມສິນ ຜູ້ປະສານງານໂຄງການ MBMF ຈາກ ສສສຄ ນະຄອນຫຼວງວຽງຈັນ, ນາງ ຂັນທະລີ ວຽນນະໃສ ການເງິນໂຄງການ MBMF ຈາກ ສສສຄ ນະຄອນຫຼວງວຽງຈັນ, ທ່ານ ນາງ ວົງນີລັນ ແອງທອງມີ ຜູ້ປະສານງານພາກສະໜາມໂຄງການ MBMF ສສສຄ ປະຈຳເມືອງຮຸນ ແລະ ຜູ້ປະສານງານໂຮງໝໍນ້ອຍ 10 ແຫ່ງເມືອງ ຮຸນ ແຂວງ ອຸດົມໄຊ.
ພາຍໃນກິດຈະກຳແມ່ນທີມງານໄດ້ລົງພື້ນທີ່ໄປແຕ່ລະບ້ານ ໃນການລົງໄປເຜີຍແຜ່ຂໍ້ມູນໃຫ້ໄວໜຸ່ມ, ການເປີດໂອກາດໃຫ້ໄວໜຸ່ມສົນທະນາແລກປ່ຽນຄວາມຄິດເຫັນ, ສອບຖາມຄວາມເຊື່ອທີ່ເຄີຍໄດ້ຍິນຜ່ານມາ ແລະ ຖາມຕອບເພື່ອແຈກຂອງລາງວັນ, ເຊີ່ງຂອງລາງວັນທີ່ນຳໄປແຈກ ສ່ວນໃຫຍ່ເປັນສິ່ງຂອງທີ່ນຳໃຊ້ໃນຊີວິດປະຈຳວັນຂອງໄວໜຸ່ມເອງ ເຊັ່ນ: ສະບູ, ແຟບ, ຜ້າອະນາໄມ, ຖົງຢາງອະນາໄມ, ແປງຖູແຂ້ວ ແລະ ອ່ືນໆ.
ມີຜູ້ເຂົ້າຮ່ວມທັງໝົດຈາກ 15 ບ້ານ 1,383 ຄົນ, ຍິງ 777 ຄົນ, ຊາຍ 604 ຄົນ.
ຈຸດປະສົງ :
1. ເພື່ອເປັນການເຜີຍແຜ່ເລື່ອງສຸຂະພາບຈະເລີນພັນ ແລະ ສຸຂະພາບທາງເພດ.
2. ເພື່ອແນະນຳສະຖານທີ່ການບໍລິການຫ້ອງໃຫ້ຄຳປຶກສາທີ່ເປັນມິດແກ່ໄວໜຸ່ມ.
3. ເພື່ອເຜີຍແຜ່ ເລື່ອງການຈະເລີນເຕີບໂຕຂອງຮ່າງກາຍໄວໜຸ່ມ ຍິງ-ຊາຍ, ວິທີການຄຸມກຳເນີດ, ພະຍາດຕິດຕໍ່ທາງເພດສຳພັນ (ພຕພ),ຄວາມຮູ້ພື້ນຖານກ່ຽວກັບ HIV/AIDS, ວິທີດູແລຮັກສາເວລາເປັນປະຈຳເດືອນ, ວິທີໃສ່ຖົງຢາງ.
ໃຫ້ທຶນສະໜັບສະໜູນໂດຍ: Plan Finland & ກະຊວງການຕ່າງປະເທດຟິນແລນ
ຂຽນຂ່າວໂດຍ: ນາງ ວົງນີລັນ ແອງທອງມີ
ຖ່າຍພາບໂດຍ: ນາງ ວົງນີລັນ ແອງທອງມີ
# PFHALAOS
# MBMF Projec
by tony_admin | ກ.ກ. 3, 2023 | ຂ່າວສານ
ສສສຄ ໄດ້ສຳເລັດການລົງເຜີຍແຜ່ ເລື່ອງການບໍລິການທີ່ເປັນມິດໃຫ້ແກ່ໄວໜຸ່ມ, ເລື່ອງສຸຂະພາບຈະເລີນພັນ ສຸຂະພາບທາງເພດ ໃຫ້ແກ່ເຍົາວະຊົນ-ໄວໜຸ່ມ ໃນ 15 ບ້ານເປົ້າໝາຍ ຢູ່ເມືອງປາກແບງ Promotion of AFHS provided by HCs and helplines among adolescents
ໃນລະຫວ່າງວັນທີ 10-21 ມິຖຸນາ 2023 ທີ່ຜ່ານມາ
ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ຫ້ອງການສາທາລະນະສຸກເມືອງປາກແບງ ພາຍໃຕ້ໂຄງການ ຮ່າງກາຍຂອງຂ້ອຍ ອະນາຄົດຂອງຂ້ອຍ (MBMF) ໄດ້ລົງເຜີຍແຜ່ໃຫ້ຄວາມຮູ້ເລື່ອງສຸຂະພາບຈະເລີນພັນ, ສິດທິທາງເພດ ແລະ ສະຖານທີ່ບໍລິການທີ່ເປັນມິດໃຫ້ແກ່ເຍົາວະຊົນ-ໄວໜຸ່ມ ກຸ່ມອາຍຸ 10-24ປີ ຢູ່ໃນ 15 ບ້ານເປົ້າໝາຍໃນເມືອງປາກແບງ”. ທີມງານລົງຈັດຕັ້ງປະຕິບັດກິດຈະກຳຄັ້ງນີ້ປະກອບມີ: ທ່ານ ສຸລິສັກ ສິດທິຜົນ ຫົວໜ້າ ໜ່ວຍງານສົ່ງເສີມສຸຂະພາບ ຫ້ອງການສາທາເມືອງປາກແບງ, ທ່ານ ນຽນ ສີວົງທອງ ວິຊາການປິ່ນປົ່ວ ໂຮງໝໍຊູມຊົນເມືອງປາກແບງ, ທ່ານ ວັນນານ້ອຍ ນິຍົມສິນ ຜູ້ປະສານງານໂຄງການ MBMF ຈາກ ສສສຄ ວຽງຈັນ, ນາງ ຂັນທະລີ ວຽນນະໃສ ການເງິນໂຄງການ MBMF, ທ່ານ ແສງເພັດ ຍອດອິນມະນີ ຜູ້ປະສານງານພາກສະໜາມໂຄງການ MBMF ແລະ ຜູ້ປະສານງານໂຮງໝໍນ້ອຍ 6 ແຫ່ງເມືອງປາກແບງ.
ພາຍໃນກິດຈະກຳແມ່ນທີມງານໄດ້ລົງພື້ນທີ່ໄປແຕ່ລະບ້ານ ໃນການລົງໄປເຜີຍແຜ່ຂໍ້ມູນໃຫ້ໄວໜຸ່ມ, ການເປີດໂອກາດໃຫ້ໄວໜຸ່ມສົນທະນາແລກປ່ຽນຄວາມຄິດເຫັນ, ສອບຖາມຄວາມເຊື່ອທີ່ເຄີຍໄດ້ຍິນຜ່ານມາ ແລະ ຖາມຕອບເພື່ອແຈກຂອງລາງວັນ, ເຊີ່ງຂອງລາງວັນທີ່ນຳໄປແຈກ ສ່ວນໃຫຍ່ເປັນສິ່ງຂອງທີ່ນຳໃຊ້ໃນຊີວິດປະຈຳວັນຂອງໄວໜຸ່ມເອງ ເຊັ່ນ: ສະບູ, ແຟບ, ຜ້າອະນາໄມ, ຖົງຢາງອະນາໄມ, ແປງຖູແຂ້ວ ແລະ ອ່ືນໆ.
ມີຜູ້ເຂົ້າຮ່ວມທັງໝົດຈາກ 15 ບ້ານ 1,066 ຄົນ, ຍິງ 572 ຄົນ, ຊາຍ 494 ຄົນ.
ຈຸດປະສົງ :
1. ເພື່ອເປັນການເຜີຍແຜ່ເລື່ອງສຸຂະພາບຈະເລີນພັນ ແລະ ສຸຂະພາບທາງເພດ
2. ເພື່ອເຜີຍແຜ່ ເລື່ອງການຈະເລີນເຕີບໂຕຂອງຮ່າງກາຍໄວໜຸ່ມ ຍິງ-ຊາຍ, ວິທີການຄຸມກຳເນີດ, ພະຍາດຕິດຕໍ່ທາງເພດສຳພັນ (ພຕພ), ວິທີດູແລຮັກສາເວລາເປັນປະຈຳເດືອນ, ວິທີໃສ່ຖົງຢາງ.
ໃຫ້ທຶນສະໜັບສະໜູນໂດຍ: Plan Finland & ກະຊວງການຕ່າງປະເທດຟິນແລນ
ຂຽນຂ່າວໂດຍ: ທ. ແສງເພັດ ຍອດອິນມະນີ
ຖ່າຍພາບໂດຍ: ທ. ແສງເພັດ ຍອດອິນມະນີ
# PFHALAOS
# MBMF Project
by tony_admin | ກ.ກ. 3, 2023 | ຂ່າວສານ
ການຢ້ຽມຢາມຂອງຜູ້ບໍລິຫານແຜນງານ ຫ້ອງການພາກພື້ນ ສະຫະພັນວາງແຜນຄອບຄົວສາກົນ
ໃນລະຫວ່າງວັນທີ 21-27, ເດືອນ ກໍລະກົດ, ປີ 2023. ທ່ານ GREG GRAY, ຜູ້ບໍລິຫານແຜນງານປະຈໍາພາກພື້ນຂອງສະຫະພັນວາງແຜນຄອບຄົວສາກົນ (IPPF) ໄດ້ມາຢ້ຽມຢາມ ແລະ ເຮັດວຽກກັບ ສະມາຄົມສົ່ງເສີມສຸຂະພາບຄອບຄົວ(ສສສຄ)ນະຄອນຫຼວງວຽງຈັນ, ພາຍໃຕ້ໂຄງການ RESPOND ໂດຍການເຂົ້າຮ່ວມສົນທະນາ, ນໍາພາໂດຍ ທ່ານ ດຣ. ສຸພົນ ໄຊຍະວົງ, ອໍານວຍການສສສຄ, ຜູ້ບໍລິຫານແຜນງານ ສສສຄ, ທ່ານ ແສງເພັດ ທະບັນດິດ ພ້ອມດ້ວຍ ພະນັກງານປະຈໍາຫ້ອງການຈໍານວນ 6 ທ່ານ.
ການເຂົ້າພົບຢ້ຽມຢາມຄັ້ງນີ້ ໄດ້ມີການແລກປ່ຽນສົນທະນາປຶກສາຫາລື ເຖິງຄວາມຄືບໜ້າຂອງໂຄງການ, ການຈັດຕັ້ງປະຕິບັດກິດຈະກໍາ ແລະ ການຂະຫຍາຍໄລຍະເວລາຂອງໂຄງການຮອດວັນທີ 31 ເດືອນ ກໍລະກົດ 2024
ການສົນທະນາປຶກສາຫາລືໃນການຢ້ຽມຢາມຄັ້ງນີ້ຖືວ່າໄດ້ຮັບຜົນສໍາເລັດຕາມຈຸດປະສົງທີ່ຕັ້ງໄວ້.
———————————
Visit PFHA Laos
During June 21–27, 2023 Mr. Greg Gray, Lead Programme Manager-Restricted, International Planned Parenthood Federation, East and South East Asia and Oceania Region (IPPF- ESEAOR), visited PFHA office in Vientiane Capital and worked with the Promotion of Family Health Association (PFHA) under the RESPOND project and welcomed by Dr. Souphon Sayavong, the Executive Director of PFHA Laos and Mr. Sengphet Thabandith, Program Director together with six staff. During the visit, there was an exchange and discussions about the progress of the project, the implementation of activities, and the project extension until July 31, 2024, and phase II of RESPOND until 8, 2024. In addition, the visit and discussion addressed some of questions that PFHA had in their mind. The visit was achieved based on the intended purpose.
by tony_admin | ມ.ຖ. 21, 2023 | ຂ່າວສານ
ໃນລະຫວ່າງວັນທີ 12-16 ມີຖຸນາ(6) 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ ແລະ ທີມງານຄູຝຶກ ຈາກກະຊວງສາທາລະນະສຸກ ໄດ້ມີການຈັດຕັ້ງປະຕິບັດກິດຈະກໍາ ຝຶກອົບຮົມທົບທວນຄືນ ກ່ຽວກັບ ການດູແລເດັກເກີດໃໝ່ໃຫ້ແກ່ພະນັກງານແພດ ໂຮງໝໍນ້ອຍ 17 ແຫ່ງ ຂອງ 2 ເມືອງຄື: ເມືອງດາກຈື້ງ: 10 ໂຮງໝໍນອ້ຍ ແລະ ເມືອງກະລຶມ: 7 ໂຮງໝໍນອ້ຍ, ຫຼັງຈາກຝຶກອົບຮົມແລ້ວ ແມ່ນໄດ້ລົງ ຕິດຕາມຊຸກຍູ້ທີມງານ ໃນສະຖານທີ່ການບໍລິການເພື່ອປັບປຸງສະຖານທີ່ການບໍລິການ ໃນການຕອບສະນອງ ແກ່ຜູ້ມາຮັບການບໍລິການ ແລະ ໄດ້ລົງຢ້ຽມຢາມບ້ານຂອງຜູ້ມາຮັບການບໍລິການ ທີ່ໂຮງໝໍນອ້ຍ ຊຽງຫຼວງ ແລະ ໂຮງໝໍນອ້ຍ ຕັ່ງເຢີ່ງ ເມືອງດາກຈື້ງ ແຂວງເຊກອງ
ຈຸດປະສົງແມ່ນ ເພື່ອເປັນການເພີ່ມທັກສະ ໃນການຊ່ວຍເກີດໃຫ້ພະນັກງານໂຮງໝໍນ້ອຍ ໃຫ້ມີຄວາມເຂັ້ມແຂງ ແລະ ຊໍ່ານານ ທາງດ້ານວິຊາການ ແລະ ຄຸນນະພາບການບໍລິການ ໃຫ້ດີຂື້ນກວ່າເກົ່າ , ເພື່ອໃຫ້ຜູ້ບໍລິການ ແລະ ຜູ້ມາໃຊ້ບໍລິການ ໄດ້ມີສະຖານທີ່ບໍລິການ ທີ່ມີຄວາມສະອາດ, ປອດໄພ, ຄວາມພ້ອມ, ຄວາມເປັນມິດຕໍ່ແມ່ແລະ ເດັກ ແລະ ນອກຈາກນັ້ນ ກໍມີຄວາມເຄົາລົບນັບຖືຕໍ່ຜູ້ມາໃຊ້ບໍລິການຢູ່ໂຮງໝໍນ້ອຍ, ເພື່ອເຮັດໃຫ້ຊຸມຊົນມີຄວາມເຊື່ອໝັ້ນໃນການໃຫ້ບໍລິການຂອງແພດໝໍ ຈຶ່ງເຮັດໃຫ້ຊຸມຊົນເຂົ້າມາໃຊ້ບໍລິການຢູ່ສະຖານທີ່ບໍລິການ ຫຼື ໂຮງໝໍນ້ອຍຫຼາຍຂຶ້ນ ເຊັ່ນ: ມາຝາກທ້ອງ, ເກີດລູກ, ກວດຫຼັງເກີດ, ສັກຢາ ແລະ ອື່ນໆ. ນອກຈາກນັ້ນທີມງານກໍໄດ້ລົງໄປຢ້ຽມຢາມບ້ານ ຂອງຜູ້ມາຮັບການບໍລິການ ເກີດລູກໃນສະຖານທີ່ໂຮງໝໍນອ້ຍ ຊຽງຫຼວງ ແລະ ໂຮງໝໍນອ້ຍ ຕັ່ງເຢີ້ງ ເພື່ອຢ້ຽມຢາມຖາມຂ່າວຫຼັງຈາກ ມາໃຊ້ບໍລິການ ໃນການເກີດລູກ ແລະ ນອກຈາກນັ້ນແພດໝໍກໍໄດ້ ມີການໃຫ້ຄໍາປຶກສາ ແລະ ໃຫ້ສຸຂະສຶກສາ ແນະນຳ ການດູແລເດັກເກີດໃໝ່ ແລະ ແມ່ຫຼັງເກີດລູກ ທາງດ້ານໂພຊະນາການ ຂອງແມ່ ແລະ ເດັກ
ຫຼັງຈາກນັ້ນ ທີມງານທຸກທ່ານ ທີ່ໄດ້ລົງຢ້ຽມຢາມ ໃນຄັ້ງນີ້ ກໍໄດ້ຊ່ວຍກັນຈັດສັນສະຖານທີ່ການບໍລິການ ໃຫ້ເປັນລະບຽບຂື້ນກວ່າເກົ່າ ທີ່ໂຮງໝໍນ້ອຍ ຊຽງຫຼວງ ແລະ ໂຮງໝໍນອ້ຍ ຕັ່ງເຢີ້ງ ເພື່ອເປັນຕົວຢ່າງ ແລະ ເປັນທິດທາງໃນການປັບປຸງ ໃຫ້ແກ່ໂຮງໝໍນອ້ຍ ອຶ່ນໆ ໃນເມືອງ ດາກຈື້ງ ແລະ ເມືອງກະລຶມ ທີ່ແຂວງເຊກອງ ໃຫ້ໄດ້ມີສະຖານທີ່ການບໍລິການ ທີ່ມີຄຸນນະພາບຂຶ້ນຕຶ່ມນໍາພາທີມໂດຍ ດຣ ບົວວັນ ສົມສະໜິດ ຈາກ ສະມາຄົມສົ່ງເສີມສຸຂະພາບຄອບຄົວ, ທີມຄູຝຶກ ຈາກກະຊວງສາທາລະນະສຸກ, ພະນັກງານ ອົງການ ແຄສາກົນ ປະຈຳລາວ, ແພດປະສູດ ຈາກໂຮງໝໍແຂວງເຊກອງ ໂຮງໝໍເມືອງ ດາກຈື້ງ ແລະ ໂຮງໝໍເມືອງກະລຶມ ແລະ ທິມງານໂຮງໝໍນອ້ຍ 17 ແຫ່ງ, ໂດຍມີຜູ້ເຂົ້າຮ່ວມທັງໝົດ: 33 ທ່ານ /ຍິງ 27 ທ່ານ
ໃນການລົງຈັດຕັ້ງປະຕິບັດກິດຈະກຳໃນຄັ້ງນີ້ ແມ່ນໄດ້ຮັບທຶນສະໜັບສະໜູນຊ່ວຍເຫຼືອຈາກ ອົງການແຄ ສາກົນ ປະຈຳລາວ, ພາຍໃຕ້ ໂຄງການ “ໂພຊະນາການ 1000 ວັນທຳອິດຂອງຊິວິດ”.
ຂຽນໂດຍ: ດຣ ບົວວັນ ສົມສະໜິດ
ພາບໂດຍ: ດຣ ບົວວັນ ສົມສະໜິດ ແລະ ທີມງານ ອົງການແຄ ສາກົນປະຈໍາລາວ ແຂວງເຊກອງ
