by tony_admin | ມ.ຖ. 27, 2023 | ຂ່າວສານ
ໃນວັນທີ່ 17 ມີນາ 2023 ສະມາຄົມສົ່ງເສີມສຸຂະພາບຄອບຄົວ ໄດ້ມີໂອກາດເຂົ້າຮ່ວມວາງບູດສະແດງ ສສສຄ ໃນງານ “ຂະບວນການຊາວໜຸ່ມອາສາສະມັກບໍລິຈາກເລືອດຊ່ວຍເຫຼືອສັງຄົມພາຍໃຕ້ຫົວຂໍ້ 68 ປີມີໄຊ ຊາວໜຸ່ມລາວຮ່ວມໃຈ ຕະລຸມບອນບໍລິຈາກເລືອດ” ທີ່ຈັດໂດຍ ສູນກາງຊາວໜຸ່ມ ແລະ ອົງການກາແດງລາວ ທີ່ສະໂມສອນໃຫຍ່ ມະຫາວິທະຍາໄລແຫ່ງຊາດລາວ, ເຊິ່ງການບໍລິຈາກເລືອດໃນຄັ້ງນີ້ສາມາດຮັບການລະດົມບໍລິຈາກເລືອດທັງໝົດແມ່ນ 495 ຖົງ, ສາມາດຊ່ວຍຊີວິດຄົນໄດ້ເຖິງ 1,485 ຄົນ.
ຈຸດປະສົງ:
– ການເຂົ້າຮ່ວມວາງສະແດງຄັ້ງນີ້ ເພື່ອການໂຄສະນາເຜີຍແຜ່ຫນ້າວຽກຂອງ ສສສຄ ທີ່ສຸມໃສ່
– ເພື່ອໂຄສະນາຫ້ອງໃຫ້ຄຳປຶກສາຂອງ ສສສຄ
– ເພື່ອໃຫ້ຄວາມຮູ້ເລື່ອງສຸຂະພາບຈະເລີນພັນຂອງໄວຫນຸ່ມ
ນອກຈາກນັ້ນພວກເຮົາຍັງໄດ້ແຈກຖົງຢາງອານາໄມອີກດ້ວຍ
ຂຽນຂ່າວໂດຍ: ນາງ ວົງນີລັນ ແອງທອງມີ
ກວດແກ້ໂດຍ: ນາງ ທິບພະຈັນ ອິນທະວົງ
ຖ່າຍຮູບໂດຍ: ນາງ ວົງນີລັນ ແອງທອງມີ
by tony_admin | ມ.ຖ. 27, 2023 | ຂ່າວສານ
ໃນວັນທີ 20 ມີນາ 2023 ເວລາ 9:00 ສະມາຄົມສົ່ງເສີມສຸຂະພາບຄອບຄົວ (ສສສຄ), ໄດ້ມີການຈັດປະຊຸມ ປະຈຳໄຕມາດທີ່ໜື່ງຂອງ ຄະນະບໍລິຫານງານ ສສສຄ, ພາຍໃຕ້ການນໍາພາຂອງ ດຣ ຈັນສີ ພິມພະຈັນ ປະທານ ສສສຄ, ພາຍຫລັງປະທານ ໄດ້ກ່າວເປີດກອງປະຊຸມ ຢ່າງເປັນທາງການ, ດຣ. ສຸພົນ ໄຊຍະວົງ ຜູ້ອຳນວຍການ ສສສຄ ໄດ້ຜ່ານວາລະກອງປະຊຸມ ແລະ ນຳສະເໜີ ຜົນໄດ້ຮັບ ໃນການຈັດ ຕັ້ງປະຕິບັດໃນໄຕມາດ1, ພ້ອມດ້ວຍ ທີມງານ ສສສຄ.
ຈຸດປະສົງ:
1. ເພື່ອລາຍງານ ຜົນໄດ້ຮັບ ໃນການຈັດຕັ້ງ ປະຕິບັດວຽກງານ ໃນໄຕມາດທີນຶ່ງ.
2. ເພື່ອສົນທະນາ ແລະ ປຶກສາຫາລື ໃຫ້ເປັນເອກະພາບກັນ ກ່ຽວກັບບັນຫາ ທີ່ກ່ຽວຂ້ອງ ທີ່ຍົກຂຶ້ນມາ ໃນກອງປະຊຸມ
ຂຽນຂ່າວໂດຍ: ນາງ ສົມຈິງ ພັນທະສຸກ
ກວດແກ້ໂດຍ: ດຣ ສຸດທິສຸກ ອິນທະວິໄລ
ຖ່າຍຮູບໂດຍ: ນາງ ທິບພະຈັນ ອິນທະວົງ
ແຕ່ງພາບໂດຍ: ນາງ ວົງນິລັນ ແອງທອງມີ
# PFHALAOS
by tony_admin | ມ.ຖ. 27, 2023 | ຂ່າວສານ
ວັນທີ 16/3/23 ສະມາຄົມສົ່ງເສີມສຸຂະພາບຄອບຄົວ ໄດ້ສົ່ງ-ມອບຂອງລາງວັນໃຫ້ກັບຜູ້ເຂົ້າແຂ່ງຂັນຖ່າຍວິດີໂອ ໃນຫົວຂໍ້ “ວັນແມ່ຍິງສາກົນ” ນຳທີມໂດຍ ທ່ານນາງ ທິບພະຈັນ ອິນທະວົງ ຜູ້ບໍລິຫານສື່ສານ ແລະ ການຕະຫລາດ.
ສສສຄ ຂໍຂອບໃຈນຳທຸກທ່ານທີ່ໃຫ້ຄວາມສົນໃຈ ແລະ ຫລີ້ນກິດຈະກຳມ່ວນໆນຳພວກເຮົາ.
ຫມາຍເຫດ: ສຳລັບຜູ້ທີ່ໄດ້ລາງວັນທີ່ 1-4 ແມ່ນພວກເຮົາໄດ້ໂອນເງິນໃຫ້
by tony_admin | ມ.ຖ. 15, 2023 | ຂ່າວສານ
ສະມາຄົມສົ່ງເສີມສຸຂະພາບຄອບຄົວ (ສສສຄ), ໄດ້ສຳເລັດ ການໄປມອບຢາຈໍານວນຫນຶ່ງ ທີ່ນໍາໃຊ້ເຂົ້າ ໃນວຽກງານ ການດູແລສຸຂະພາບ ແມ່ ແລະ ເດັກ ໃຫ້ 4 ໂຮງໝໍສູນກາງ ນະຄອນຫຼວງວຽງຈັນ.
ເຊິ່ງຢາດັ່ງກ່າວ ມີມູນຄ່າລວມ ປະມານ 1,753,210,000 ກີບ, ເຊິ່ງໄດ້ຮັບ ການສະໜັບສະໜູນ ແລະ ຊ່ວຍເຫລືອລ້າຈາກ ສະຫະພັນວາງແຜນຄອບຄົວສາກົນ IPPF ແລະ (KoPHW, KOFIH, Community Chest of Korea)
ຕາງໜ້າ ສສສຄ ດຣ ສຸດທິສຸກ ອິນທະວິໄລ ຮອງອຳນວຍການ ສສສຄ ໄດ້ສຳເລັດການໄປມອບຢາ ໃຫ້ແກ່ 4 ໂຮງໝໍສູນກາງ ຢູ່ນະຄອນຫລວງວຽງຈັນຄື:
📅 ໃນວັນທີ 7 ມີນາ 2023 ໄດ້ໄປມອບຢາໃຫ້ແກ່ ໂຮງໝໍເສດຖາ ຕາງໜ້າຮັບໂດຍ ທ່ານ ດຣ ວໍລະຈິດ ທິບພະກຸນ ຮອງອຳນວຍການໂຮງໝໍ
📅 ໃນວັນທີ 9 ມີນາ 2023 ໄດ້ໄປມອບຢາໃຫ້ແກ່ ໂຮງໝໍແມ່ ແລະ ເດັກ ໜອງພະຍາ ຕາງໜ້າຮັບໂດຍ ທ່ານ ດຣ ຕຸ້ຍ ຈັນທະລັງສີ ຮອງອຳນວຍການໂຮງໝໍ
📅 ໃນວັນທີ 10 ມີນາ 2023 ໄດ້ໄປມອບຢາໃຫ້ແກ່ ໂຮງໝໍມະໂຫສົດ ຕາງໜ້າຮັບໂດຍ ທ່ານ ດຣ ນາງ ໃຈສະຫວັນ ທໍາມະວົງ ຕາງໜ້າພະແນກບໍລິຫານ ແລະ ແຜນການ, ໂຮງໝໍມິດຕະພາບ ຕາງໜ້າຮັບໂດຍ ທ່ານ ດຣ ເກດມະນີ ເພັດສິລິແສງ ຮອງອຳນວຍການໂຮງໝໍ
ສສສຄ ຂໍສະແດງຄວາມຮູ້ບຸນຄຸນ ແລະ ຂໍຂອບໃຈຢ່າງສູງ ມາຍັງຜູ້ບໍລິຈາກຢາ ໃນຄັ້ງນີ້.
🎯ຈຸດປະສົງ:
- ເພື່ອມອບຢາ ທີ່ນໍາໃຊ້ເຂົ້າໃນວຽກງານ ການດູແລສຸຂະພາບ ແມ່ ແລະ ເດັກ ໃຫ້ກັບ 4 ໂຮງໝໍສູນກາງ
- ເພື່ອໃຫ້ໂຮງໝໍ ແຈກຢາຍຢາຟຣີ ໃຫ້ກັບຜູ້ມາໃຊ້ບໍລິການ ກ່ຽວກັບແມ່ ແລະ ເດັກ.
———————————————
📝ຂຽນຂ່າວໂດຍ: ນາງ ສົມຈິງ ພັນທະສຸກ
🕵🏻ກວດແກ້ໂດຍ: ດຣ ສຸດທິສຸກ ອິນທະວິໄລ
📸ຖ່າຍຮູບໂດຍ: ນາງ ທິບພະຈັນ ອິນທະວົງ
ແຕ່ງຮູບພາບໂດຍ: ນາງ ວົງນິລັນ ແອງທອງມີ
#PFHALAOS
#IPPF
#KoPHW
#KOFIH
#Community Chest of Korea
by tony_admin | ມ.ຖ. 15, 2023 | ຂ່າວສານ
ໃນລະຫວ່າງ ວັນທີ 27-28 ກຸມພາ ຫາ 6 ມີນາ 2023, ທີມງານ ສະມາຄົມສົ່ງເສີມສຸຂະພາບຄອບຄົວ ໄດ້ສໍາເລັດ ການລົງຢ້ຽມຢາມ 5 ໂຮງຮຽນຄື: ໂຮງຮຽນ ມສ ຕານມີໄຊ, ມສ ດອນໜູນ, ມປ ບ້ານຫອ້ມ, ມສ ຈັນທະບູລີ ແລະ ໂຮງຮຽນ ມສ ສິມມະໂນ, ນໍາພາທີມໂດຍ ດຣ ບົວວັນ ສົມສະໜິດ ຜູ້ບໍລິຫານ ວິຊາການ /ບໍລິການສຸຂະພາບ , ໂດຍມີຜູ້ເຂົ້າຮ່ວມທັງໝົດ 37 ທ່ານ ເປັນຍິງ 24 ທ່ານ, ຊາຍ 13 ທ່ານ ໃນຄັ້ງນີ້.
ຈຸດປະສົງ:
1. ເພື່ອເຂົ້າພົບ ອໍານວຍການ, ຄະນະ ອາຈານ ແລະ ອາສາສະໝັກ 10 ໂຮງຮຽນມັດທະຍົມ ໃນນະຄອນຫຼວງ, ເພື່ອທົບທວນຄືນ ກາານຈັດຕັ້ງປະຕິບັດກິດຈະກໍາ ໃນວຽກງານ ການສ້າງຄວາມອາດສາມາດ ກ່ຽວກັບສຸຂະພາບຈະເລີນພັນ ໃຫ້ກັບໄວໜຸ່ມ
2. ເພື່ອສົນທະນາ ແລະ ວາງແຜນ ໃນການດໍາເນີນວຽກງານ ການໃຫ້ຄໍາປຶກສາ ແກ່ໄວໜຸ່ມ ແລະ ການເປັນເຄື່ອຄ່າຍໃນການສົ່ງຕໍ່.
3. ເພື່ອຂໍການແຕ່ງຕັ້ງ ຜູ້ປະສານງານຫຼັກ ຂອງວຽກງານການໃຫ້ຄໍາປຶກສາ(ອາຈານ ແລະ ອາສາສະໝັັັັັັກ)
ໃນການລົງເຄື່ອນໄຫວກິດຈະກຳຄັ້ງນີ້ ແມ່ນໄດ້ຮັບການຮ່ວມມື ແລະ ສະໜັບສະໜູນຈາກ ໜ່ວຍງານ ໄວໜຸ່ມ ແລະ ໜ່ວຍງານ ມີເດຍ ຂອງ ສະມາຄົມສົ່ງເສີມສຸຂະພາບຄອບຄົວ .
————————————————
ຂຽນໂດຍ: ດຣ ບົວວັນ ສົມສະໜິດ
ຖ່າຍພາບໂດຍ: ທ່ານ ນ ວົງນິລັນ ແອງທອງມີ ແລະ ທ່ານ ວິລະສິດ ອິນທະຫວາ
by tony_admin | ມ.ຖ. 14, 2023 | ຂ່າວສານ
ໃນວັນທີ່ 27 ກຸມພາ 2023 ສະມາຄົມສົ່ງເສີມສຸຂະພາບຄອບຄົວ ສາຂາແຂວງບໍ່ແກ້ວ ໄດ້ຮັບລົດໄຟຟ້າ BYD E2 ຈຳນວນ 1 ຄັນ ໂດຍຜ່ານສະມາຄົມສົ່ງເສີມສຸຂະພາບຄອບຄົວ ນະຄອນຫຼວງວຽງຈັນ ໂດຍການໄດ້ຮັບທຶນຊ່ວຍເຫຼືອລ້າ ຈາກບໍລິສັດ ເຄບີ ແຄັບປີທັລ ຮ່ວມກັບ ບໍລິສັດ ເຄບີ ໂຄລາວ ເຊົ່າສິນເຊື່ອ, ໃນມູນຄ່າ 35, 000, 000 KRW ( 35,000,000 ວອນ ).
ຕ່າງໜ້າມອບ – ຮັບໂດຍທ່ານ ອານຸສິນ ສັກປະເສີດ ອໍານວຍການສະມາຄົມສົ່ງເສີມສຸຂະພາບຄອບຄົວ ສາຂາແຂວງບໍ່ແກ້ວ ແລະ ມອບໂດຍ ທ່ານ ຄຳແສນ ຫຼວງລາດ ຜູ້ຊ່ວຍບໍລິຫານຫ້ອງການ ສສສຄ ນະຄອນຫຼວງວຽງຈັນ. ທ່ານ ອານຸສິນ ໄດ້ກ່າວວ່າຮູ້ສຶກຍິນດີຫຼາຍທີ່ໄດ້ຮັບການຊ່ວຍເຫຼືອລົດໃນຄັ້ງນີ້ ຕ້ອງຂອບໃຈມາຍັງນຳບໍລິສັດ ແລະ ສສສຄ ນະຄອນຫຼວງ ທີ່ເລັ່ງເຫັນຄວາມສຳຄັນ. ລົດຄັນດັ່ງກ່າວແມ່ນຈະນຳໃຊ້ເຂົ້າໃນວຽກງານບໍລິຫານຫ້ອງການ ເພື່ອເປັນການຊ່ວຍປະຫຍັດເລື່ອງຄ່າໃຊ້ຈ່າຍໂດຍສະເພາະກໍ່ແມ່ນຄ່ານ້ຳມັນ ແລະ ຍັງເປັນການອະນຸລັກສະພາບແວດລ້ອມ ນໍາໃຊ້ພະລັງງານທີ່ສະອາດ ອີກດ້ວຍ.
—————————————————————-
ຂຽນຂ່າວໂດຍ: ທ້າວ ຄຳແສນ ຫຼວງລາດ
ກວດແກ້ໂດຍ: ນາງ ທິບພະຈັນ ອິນທະວົງ
ຖ່າຍພາບໂດຍ: ທ້າວ ສິນທະວິໄລ ທອງອ້ວນ
