by tony_admin | ມ.ຖ. 14, 2023 | ຂ່າວສານ
ໃນວັນທີ 27 ກຸມພາ 2023 ທີ່ຜ່ານມາ
ສະມາຄົມສົ່ງເສີມສຸຂະພາບຄອບຄົວ (ສສສຄ), ໄດ້ໄປຮັບຢາ ແລະ ອຸປະກອນ ທີ່ນໍາໃຊ້ເຂົ້າໃນວຽກງານ ການດູແລສຸຂະພາບ ແມ່ ແລະ ເດັກ, ຢາດັ່ງກ່າວມີມູນຄ່າລວມປະມານ 124,400 ໂດລາສະຫະລັດ ທີ່ສາງທ່ານາແລ້ງ ສປປ ລາວ, ເຊິ່ງໄດ້ຮັບ ການສະໜັບສະໜູນ ແລະ ຊ່ວຍເຫລືອລ້າຈາກ ສະຫະພັນວາງແຜນຄອບຄົວສາກົນ (IPPF), ສສສຄ ໄດ້ຮັບກຽດ ໃນການເປັນຂົວຕໍ່ ການນໍາໄປບໍລິຈາກ ໃຫ້ແກ່ ໂຮງໝໍນ້ອຍ ໃນແຂວງເປົ້າໝາຍໂຄງການ ຂອງ ສສສຄ ແລະ 4 ໂຮງໝໍສູນກາງ ຢູ່ນະຄອນຫລວງວຽງຈັນ.
ສສສຄ ຂໍສະແດງຄວາມຮູ້ບຸນຄຸນ ແລະ ຂໍຂອບໃຈຢ່າງສູງ ມາຍັງ ສະຫະພັນວາງແຜນຄອບຄົວສາກົນ (KoPHW, KOFIH,…) ແລະ ຮູ້ສຶກດີໃຈຫຼາຍ ທີ່ໄດ້ເປັນສວ່ນຫນື່ງ ໃນການຮັບມອບ ຢາ ແລະ ອຸປະກອນ ເຊິ່ງໄດ້ປະກອບສ່ວນ ໃນການດູແລ ສຸຂະພາບ ແມ່ ແລະ ເດັກ ໃນເຂດຊຸມຊົນ ຫ່າງໄກສອກຫລີກ ໃຫ້ສາມາດເຂົ້າເຖິງ ການບໍລິການ ທີ່ມີຄຸນນະພາບ ແລະ ຢານໍາໃຊ້ທີ່ພຽງພໍ.
ຈຸດປະສົງ:
1. ເພື່ອນຳເຂົ້າຢາ ຈາກປະເທດ ເດັນມາກ ແລະ ປະເທດຈີນ
2. ເພື່ອມອບຢາ ແລະ ອຸປະກອນ ທີ່ຈຳເປັນ ໃຫ້ກັບໂຮງຫມໍນ້ອຍ ໃນກຸ່ມເປົ້າຫມາຍ
———————————————
ຂຽນຂ່າວໂດຍ: ນາງ ສົມຈິງ ພັນທະສຸກ
ກວດແກ້ໂດຍ: ດຣ ສຸດທິສຸກ ອິນທະວິໄລ
ຖ່າຍຮູບໂດຍ: ທິບພະຈັນ ອິນທະວົງ
by tony_admin | ກ.ພ. 21, 2023 | ຂ່າວສານ
ໃນວັນທີ 9-10 ກຸມພາ 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ (ສສສຄ) ຮູ້ສຶກເປັນກຽດຫຼາຍທີ່ໄດ້ໄປຢ້ຽມຢາມ 3 ໂຮງໝໍສູນກາງໃນນະຄອນຫຼວງວຽງຈັນຄືື: ໂຮງໝໍ ມະໂຫສົດ, ໂຮງໝໍ ເສດຖາທິຣາດ ແລະ ໂຮງໝໍ ແມ່ ແລະ ເດັກເກີດໃໝ່ ໜອງພະຍາ. ເພື່ອເປັນການສ້າງສາຍສຳພັນທີ່ດີຮ່ວມກັບຄູ່ຮ່ວມງານລະຫວ່າງຄະນະບໍລິຫານຈາກສະມາຄົມສົ່ງເສີມສຸຂະພາບຄອບຄົວ ແລະ ຄະນະບໍລິຫານງານຂອງໂຮງໝໍສູນກາງທັງ 3ແຫ່ງ.
ຈຸດປະສົງ:
1. ເພື່ອແນະນຳຕົວອົງກອນ ສສສຄ ໃຫ້ກັບ ອໍານວຍການ ໂຮງໝໍທັງ 3 ແຫ່ງ
2. ເພື່ອປຶກສາຫາລື ກ່ຽວກັບການບໍລິການການສົ່ງຕໍ່ຄົນເຈັບ ແລະ ເປັນຄູ່ຮ່ວມງານໃນການບໍລິການ
3. ເພື່ອສົນທະນາ ແລະ ວາງແຜນຮ່ວມກັນໃນການດໍາເນີນວຽກງານການບໍລິການ ແມ່ ແລະ ເດັກ ແລະ ສະຖານທີ່ການບໍລິການ, ໃຫ້ຄໍາປຶກສາແກ່ໄວໜຸ່ມ ແລະ ຜູ້ທີ່ມີບັນຫາ ທາງດ້ານສຸຂະພາບຈິດ
4. ເພື່ອຢ້ຽມຢາມຫອ້ງໃຫ້ຄໍາປຶກສາ ໃນສະຖານທີ່ການບໍລິການ
———————————————
ຂຽນຂ່າວໂດຍ: ທ້າວ ສິນທະວິໄລ ທອງອ້ວນ
ກວດແກ້ໂດຍ: ນາງ ທິບພະຈັນ ອິນທະວົງ
ຖ່າຍຮູບໂດຍ: ນາງ ສົມຈິງ ພັນທະສຸກ, ທ້າວ ສິນທະວິໄລ ທອງອ້ວນ
by Lao IT Service | ມ.ຖ. 3, 2022 | ຂ່າວສານ
ວັນທີ 23-26/05/2022 ສະມາຄົມສົ່ງເສີມສຸຂະພາບຄອບຄົວ (ສສສຄ) ຮ່ວມກັບ ພະແນກສາທາລະນະສຸກແຂວງບໍ່ແກ້ວ, ໄດ້ຈັດຊຸດຝຶກອົບຮົມ “ການນໍາໃຊ້ແບບຟອມບັນທຶກ-ລາຍງານກ່ຽວກັບວຽກງານແມ່ແລະເດັກ ສະບັບປັບປຸງໃໝ່(ສະບັບ 2.1)” ແລະ ຊຸດຝຶກອົບຮົມ “ການບໍລິການ ການໃຫ້ຄຳປຶກສາດ້ານສຸຂະພາບແບບທາງໄກ” ໃຫ້ແກ່ ທ່ານໝໍທີ່ມາຈາກໂຮງໝໍເມືອງ, ສາທາລະນະສຸກເມືອງ: ເມືອງປາກທາ, ເມືອງຜາອຸດົມ ແຂວງບໍ່ແກ້ວ ແລະ ໂຮງໝໍນ້ອຍ 10 ແຫ່ງ ທີ່ເປັນເປົ້າໝາຍຂອງໂຄງການເຊື່ອມສານແມ່ປອດໄພ ແລະ ໂຄງການຕອບສະໜອງ(RESPOND) ໂດຍໃຫ້ກຽດເປັນປະທານໃນການເປີດຊຸດອົບຮົມຈາກ ທ່ານ ດຣ. ບຸນເລື່ອນ ສິດສົມພູ ຫົວຫນ້າຫ້ອງການສາທາລະນະສຸກເມືອງຜາອຸດົມ ແລະ ການເປັນປະທານຮ່ວມໂດຍ ດຣ. ສຸພົນ ໄຊຍະວົງ ອໍານວຍການ ສສສຄ.
ຜູ້ເຂົ້າຮ່ວມທັງໝົດ: 32 ທ່ານ, ຍິງ 23 ທ່ານ
ພາຍໃຕ້ໂຄງການ “RESPOND”
ສະຖານທີ່: ຫ້ອງປະຊຸມໂຮງໝໍເມືອງ ຜາອຸດົມ, ແຂວງ ບໍ່ແກ້ວ
ຈຸດປະສົງ:
– ເພື່ອໃຫ້ພະນັກງານຂັ້ນເມືອງ ແລະ ໂຮງໝໍນ້ອຍສາມາດນໍາໃຊ້ແບບຟອມໃນການບັນທຶກ-ລາຍງານ ວຽກງານແມ່ ແລະ ເດັກໄດ້ຢ່າງຖືກຕ້ອງ.
– ເພື່ອສ້າງຄວາມເຂັ້ມແຂງທາງດ້ານການໃຫ້ບໍລິການ, ການໃຫ້ຄໍາປຶກສາດ້ານສຸຂະພາບ ແບບທາງໄກ ໃຫ້ແກ່ພະນັກງານຜູ້ຮັບຜິດຊອບຫຼັກໃນການບໍລິການ ການແພດແບບທາງໄກ ໃຫ້ມີຄວາມເຂົ້າໃຈ ແລະ ມີຂັ້ນຕອນວິທີການທີ່ຖືກຕ້ອງຫຼາຍຂື້ນ, ພ້ອມທັງສາມາດນຳໃຊ້ໃນການຈັດຕັ້ງປະຕິບັດຕົວຈິງໄດ້.
ຂຽນຂ່າວໂດຍ: ນ. ແສງສະໄໝ ສ່ຽນສີລິບຸດ
ຖ່າຍພາບໂດຍ: ນ. ແສງສະໄໝ ສ່ຽນສີລິບຸດ
by post_editor | ກ.ພ. 28, 2022 | ກິດຈະກຳ, ຂ່າວສານ
ໃນວັນທີ 28 ກຸມພາ 2022
ມາດາມ ຈັນສະຫມອນ ສີສຸລາດ ຮອງປະທານ ສສສຄ ພ້ອມດ້ວຍຄະນະ ຕາງໜ້າຫ້ອງການ ສສສຄ ລົງໄປມອບເຄື່ອງບໍລິຈາກ ອຸປະກອນການຮຽນ ໃຫ້ກັບ ນ້ອງໆນັກຮຽນ ໂຮງຮຽນປະຖົມ ສົມບູນ ໂພງຮັງ ຈໍານວນນັກຮຽນທັງຫມົດ 75 ນ້ອງ, ຕາງຫນ້າມອບຮັບໂດຍ ທ່ານ ໂຮງ ອິນທະວົງ ນາຍບ້ານບ້ານໂພນຮັງ ແລະ ຄູອາຈານຂອງໂຮງຮຽນໂພນຮັງ
ເຄື່ອງບໍລິຈາກມີ:
– ອຸປະກອນການຮຽນ (ປື້ມ, ບິກ, ສໍ ຢາງລຶບ, ຢາຖູແຂ້ວ, ໄມ້ຖູແຂ້ວ, ຜ້າເຊັດມື, ແຟບ) 80 ຊຸດ.
– ອຸປະກອນການຮຽນ (ປື້ມ, ບິກ, ສໍ, ບັນທັດ) 150ຊຸດ
– ແຜ່ນສອນຫນັງສືພາສາອັງກິນ A-Z
– ຊຸດອຸປະກອນ ສິລະປະ (ເຈ້ຍA4, ເຈ້ຍສີ, ເຈ້ຍແຂງ, ມີດຕັດ, ກາວ, ສະກັອດ, ກະລັບເຟີ)
– ປື້ມຄູ່ມືການສອນຊັ້ນ ປໍ.5
ຈຳນວນ: 2,650,000 ກີບ
ຈຸດປະສົງ:
-ເພື່ອມອບເຄື່ອງໃຊ້ອຸປະກອນການຮຽນໃຫ້ກັບນ້ອງໆນັກຮຽນ
– ເພື່ອມອບຄວາມສຸກໃຫ້ແກ່ນ້ອງໆນັກຮຽນທີ່ຢູ່ໃນໂຮງຮຽນດັ່ງກ່າວ
……………………………………………………………………………….
ສະໜັບສະໜູນໂດຍ:
ມາດາມ ຈັນສະຫມອນ ສີສຸລາດ
ຂຽນຂ່າວໂດຍ:
ນ. ທິບພະຈັນ ອິນທະວົງ
ຖ່າຍພາບໂດຍ:
ນ. ທິບພະຈັນ ອິນທະວົງ
#Donation
#PFHALAOS
by post_editor | ກ.ພ. 25, 2022 | ກິດຈະກຳ, ຂ່າວສານ
ໃນວັນທີ 15-18 ກຸມພາ 2022 ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ພະແນກສາທາລະນະສຸກ ແຂວງເຊກອງ ໄດ້ມີການຈັດ ຝຶກອົບຮົມການນຳໃຊ້ເຄື່ອງມື “ຊີວິດຂອງທ່ານ ທາງເລືອກຂອງທ່ານ” ໂດຍຜ່ານຂະບວນການສຶກສາແບບເພື່ອນສອນເພື່ອນ ດ້ານສິດທິ ແລະ ສຸຂະພາບຈະເລີນພັນທາງເພດ ໃຫ້ກັບອາສາສະໝັກຜູ້ໃຫ້ຄໍາປຶກສາ ແລະ ນັກປຸກລະດົມເພື່ອນສອນເພື່ອນ ຂັ້ນບ້ານ ຢູ່ທີຫ້ອງປະຊຸມ ຫ້ອງວ່າການປົກຄອງ ເມືອງລະມາມ ແລະ ຫ້ອງປະຊຸມ ພະແນກສຶກສາທິການ ແລະ ກິລາ ແຂວງ ເຊກອງ. ມີຜູ້ເຂົ້້າຮ່ວມລວມທັງໝົດ 58 ທ່ານ.
ຈຸດປະສົງ:
• ເພື່ອຝຶກອົບຮົມການນໍາໃຊ້ເຄື່ອງມືສື່ສານ “ຊີວິດຂອງທ່ານ ທາງເລືອກຂອງທາງ” ໂດຍຜ່ານການສຶກສາແບບເພື່ອນສອນເພື່ອນ ທາງດ້ານສຸຂະພາບຈະເລີນພັນ ແລະ ສິດທິດ້ານເພດ ໃຫ້ກັບອາສາສະໝັກເພື່ອນສອນເພື່ອນຂັ້ນບ້ານ
• ເພື່ອສ້າງຄວາມອາດສາມາດໃນການສະແດງອອກຂອງອາສາສະໝັກຜູ້ໃຫ້ຄໍາປຶກສາ ແລະ ນັກປຸກລະດົມເພື່ອນສອນເພື່ອນ.
• ເພື່ອໃຫ້ອາສາສະໝັກເພື່ອສອນເພື່ອນວາງແຜນໃນການເປັນຜູ້ອໍານວຍຄວາມສະດວກໃຫ້ກັບອາສາສະໝັກນັກຮຽນຮູ້ເພື່ອສອນເພື່ອນ ຢູ່ຂັ້ນບ້ານ.
#BMZPROJECT#PFHALAOS
by post_editor | ກ.ພ. 23, 2022 | ກິດຈະກຳ, ຂ່າວສານ
ໃນວັນທີ 15-24 ກຸມພາ 2022 ທີມງານສະມາຄົມສົ່ງເສີມສຸຂະພາບຄອບຄົວ ຮ່ວມກັບ ທີມງານຂັ້ນເມືອງຮຸນ ໂດຍມີ ຄະນະບໍລິຫານຫ້ອງການ, ປະສູດ, ແມ່ ແລະ ເດັກ, ອາຫານ ແລະ ຢາ, ນຳ້ສະອາດ ແລະ ສຸຂະພິບານ ໄດ້ມີການລົງຈັດຕັ້ງປະຕິບັດກິດຈະກຳ ຊຸກຍູ້ຕິດຕາມເພື່ອນແທ້ໂຮງໝໍນ້ອຍ 10 ແຫ່ງ ( ໂຮງໝໍນ້ອຍນ້ໍາຕໍາ, ໂພນໄຊ, ນາຊຽງດີ, ນຳ້ພວນ, ນຳ້ພູນ, ຜາຄຳ, ພູວຽງໄຊ, ພູແຊ, ສີບຸນເຮືອງ, ນາວາງ), ເມືອງຮຸນ, ແຂວງ ອຸດົມໄຊ
ຈຸດປະສົງ:
• ເພຶ່ອເປັນການເພີ່ມທັກສະ, ຄວາມຮູ້ ກ່ຽວກັບ ເພື່ອນແທ້ໂຮງໝໍນ້ອຍ ເພື່ອເພີ່ມຄຸນນະພາບການ ບໍລິການ ລະຫວ່າງ ຜູ້ໃຫ້ບໍລິການ ກັບ ຜູ້ມາໃຊ້ບໍລິການ, ເຮັດໃຫ້ສະຖານທີ່ການບໍລິການສາທາລະນະສຸກມີຄວາມສະອາດຂຶ້ນ ເພື່ອເຮັດໃຫ້ຊຸມຊົນເຊື້ອໝັ້ນໃນການບໍລິການຂອງແພດໝໍ ແລະ ເຂົ້າມາໃຊ້ບໍລິການຫຼາຍຂຶ້ນ ໂດຍສະເພາະແມ່ນໂຮງໝໍນ້ອຍທັງ 10 ແຫ່ງເປົ້າໝາຍ ຢູ່ເມືອງຮຸນ, ແຂວງອຸດົມໄຊ
• ເພື່ອສົນທະນາ ປຶກສາຫາລື ກ່ຽວກັບສະພາບທົ່ວໄປຂອງໂຮງໝໍນ້ອຍ, ສະພາບບັນຫາສຸຂະພາບຂອງປະຊາຊົນ ແລະ ການບໍລິການແມ່ແລະເດັກ ແລະ ການເກີດລູກໃນໂຮງໝໍນ້ອຍດັ່ງກ່າວ
• ເພື່ອວິເຄາະ “ຕົ້ນໄມ້ແຫ່ງຄວາມຫວັງ ຂອງໂຮງໝໍນ້ອຍ” ຈັດລຽງບັນຫາ-ຫາວິທີການແກ້ໄຂ ທີ່ເປັນບູລິມະສິດ (ສ້າງແຜນການແກ້ໄຂບັນຫາຂອງໂຮງໝໍນ້ອຍ)
• ເພື່ອນຳພາໂຮງໝໍນ້ອຍລົງມືແກ້ໄຂບັນຫາທີ່ເຮັດໄດ້ ເຊັ່ນ ການເຮັດອະນາໄມ, ການຈັດສະຖານທີ່, ການກວດ ແລະ ຈັດເກັບມ້ຽນເຄື່ອງມື, ອຸປະກອນຮັບໃຊ້ຕ່າງໆ, ການຈັດມ້ຽນເອກະສານ, ການເຮັດການອະເຊື້ອ+ການປະສົມນ້ຳຢາ Chlorine 0.5%, ສະພາບຫ້ອງນໍ້າ ແລະ ການຊົມໃຊ້ນໍ້າ ແລະ ການກຳຈັດຂີ້ເຫຍື້ອຕ່າງໆ
• ເພື່ອສາທິດ ແລະ ຝຶກຫັດການຊ່ວຍເກີດລູກ ດ້ວຍ MamaNatali ຝຶກຫັດການໃຫ້ຄຳປຶກສາ ແລະ ແນະນຳແມ່ກ່ຽວກັບການລ້ຽງລູກດ້ວຍນົມແມ່ ແລະ ການດູແລເດັກນ້ອຍໃນ1,000 ວັນທຳອິດ
#NUTRITON1000DAYSPROJECT#PFHALAOS
