ການໂຕ້ວາທີ ຂັ້ນໂຮງຮຽນ ໃນ 2 ເມືອງ ເປົ້າໝາຍຂອງໂຄງການ
ໃນວັນທີ 31 ມັງກອນ 2022 ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ອົງການ ແຄຣ໌ ນານາຊາດ ໄດ້ຈັດກອງປະຊຸມປຶກສາຫາລືການກະກຽມກິດຈະກໍາການໂຕ້ວາທີ ຂັ້ນໂຮງຮຽນ ໃນ 2 ເມືອງ ເປົ້າໝາຍຂອງໂຄງການ ຄື: ເມືອງ ລະມາມ ແລະ ເມືອງ ດາກຈຶງ ແຂວງ ເຊກອງ. ພາຍໃຕ້ໂຄງການ ປັບປຸງສຸຂະພາບຈະເລີນພັນເພື່ອຫຼຸດຜ່ອນການແຕ່ງງານກ່ອນໄວອັນຄວນໃນຊຸມຊົນ ຊົນເຜົ່າເຂດຫ່າງໄກສອກຫຼີກ ໃນ ສປປ ລາວ. ຢູ່ທີ່ຫ້ອງປະຊຸມຫ້ອງວ່າການ ເມືອງ ລະມາມ ແຂວງເຊກອງ. ເຊິ່ງມີຜູ້ເຂົ້້າຮ່ວມທັງໝົດ 24 ທ່ານ.
ຈຸດປະສົງ:
- ເພື່ອປຶກສາຫາລືກ່ຽວກັບການກໍານົດຫົວຂໍ້, ການກໍານົດເວລາ, ສະຖານທີ່ ແລະ ຮູບແບບການໂຕ້ວາທີ.
- ເພື່ອກໍານົດເງື່ອນໄຂຂອງບຸກຄົນທີ່ຈະເຂົ້າຮ່ວມໂຕ້ວາທີ, ຄະນະກໍາມະການຕັດສິນ, ປະທານ, ຜູ້ເຂົ້າຮ່ວມຮັບຟັງ.
- ເພື່ອປຶກສາຫາລືກ່ຽວກັບການກໍານົດຂອງຂວັນລາງວັນໃຫ້ກັບຜູ້ແຂ່ງຂັນ ແລະ ສິດຜົນປະໂຫຍດ ທີ່ຜູ້ເຂົ້າແຂ່ງຂັນຄວນຈະໄດ້ຮັບ.
- ເພື່ອແບ່ງສາຍການແຂ່ງຂັນ ແລະ ໂຈກສະຫຼາກການແຂ່ງຂັນ
