by tony_admin | ມ.ຖ. 14, 2023 | ຂ່າວສານ
ການຝຶກອົບຮົມທົບທວນຄືນ ການດູແລເດັກເກີດໃໝ່ ແລະ ລົງຕິດຕາມຊຸກຍູ້ການປັບປຸງສະຖານທີ່ການບໍລີການ ໂຮງໝໍນ້ອຍ
ໃນລະຫວ່າງວັນທີ 22-26 ພຶດສະພາ 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ ແລະ ທີມງານຄູຝຶກ ຈາກກະຊວງສາທາລະນະສຸກ ໄດ້ຈັດຕັ້ງປະຕິບັດກິດຈະກໍາ ຝຶກອົບຮົມທົບທວນຄືນ ກ່ຽວກັບ ການດູແລເດັກເກີດໃໝ່ໃຫ້ແກ່ພະນັກງານແພດ ໂຮງໝໍນ້ອຍ 9 ແຫ່ງ ທີ່ເມືອງໃໝ່, ເມືອງສໍາພັນ ແລະ ເມືອງຂວາ ແຂວງຜົ້ງສາລີ ເຊິ່ງມີ ໂຮງໝໍນອ້ຍ ມູຈິກາງ, ໂຮງໝໍນອ້ຍ, ໂຮງໝໍນອ້ຍ ລາວເລວ, ໂຮງໝໍນອ້ຍ ປາກແພ, ໂຮງໝໍນອ້ຍ ໂພນໄຊ, ໂຮງໝໍນອ້ຍ ກິ່ວກະຈໍາ, ໂຮງໝໍນອ້ຍ ລະຮາງໃຫຍ່, ໂຮງໝໍນອ້ຍ ກົກງີ້ວ, ໂຮງໝໍນອ້ຍ ລາດຊາງ, ໂຮງໝໍນອ້ຍບວມພັນ, ຫຼັງຈາກຝຶກອົບຮົມແລ້ວ ແມ່ນໄດ້ລົງ ຕິດຕາມຊຸກຍູ້ທີມງານ ໃນສະຖານທີ່ການບໍລິການ ແລະ ໄດ້ລົງໄປຢ້ຽມຢາມບ້ານຂອງຜູ້ມາຮັບການບໍລິການ ທີ່ໂຮງໝໍນອ້ຍ
ຈຸດປະສົງແມ່ນ
– ເພື່ອເປັນການເພີ່ມທັກສະການຊ່ວຍເກີດໃຫ້ພະນັກງານໂຮງໝໍນ້ອຍໄດ້ມີຄວາມຊໍ່ານານ ເພີ່ມຂື້ນກວ່າເກົ່າ ແລະ ເພີ່ມຄຸນນະພາບການບໍລິການ ລະຫວ່າງຜູ້ໃຫ້ບໍລິການ ກັບຜູ້ມາໃຊ້ບໍລິການ
– ເພື່ອເຮັດໃຫ້ສະຖານທີ່ບໍລິການມີຄວາມສະອາດ, ຄວາມປອດໄພ, ຄວາມພ້ອມ, ຄວາມເປັນມິດຕໍ່ແມ່ແລະເດັກ ແລະ ການເຄົາລົບນັບຖືຕໍ່ຜູ້ມາໃຊ້ບໍລິການຢູ່ໂຮງໝໍນ້ອຍ
– ເພື່ອເຮັດໃຫ້ຊຸມຊົນມີຄວາມເຊື່ອໝັ້ນໃນການໃຫ້ບໍລິການຂອງແພດໝໍ ແລະ ເຮັດໃຫ້ຊຸມຊົນເຂົ້າມາໃຊ້ບໍລິການຢູ່ສະຖານທີ່ໃຫ້ບໍລິການ ຫຼື ໂຮງໝໍນ້ອຍຫຼາຍຂຶ້ນ ເຊັ່ນ: ມາຝາກທ້ອງ, ເກີດລູກ, ກວດຫຼັງເກີດ, ສັກຢາ ແລະ ອື່ນໆ, ທີມງານໄດ້ລົງໄປຢ້ຽມຢາມ, ແນະນຳ, ປັບປຸງ ແກ້ໄຂບັນຫາ ແລະ ຍັງນຳພາພະນັກງານໂຮງໝໍນ້ອຍຈັດສັນສະຖານທີ່ ສາທິດການເກິດລູກໂດຍນຳໃຊ້ຫຸ່ນ Mama Natali
ນໍາພາທີມໂດຍ ດຣ ບົວວັນ ສົມສະໜິດ ຈາກ ສະມາຄົມສົ່ງເສີມສຸຂະພາບຄອບຄົວ, ທີມຄູຝຶກ ຈາກກະຊວງສາທາລະນະສຸກ, ພະນັກງານ ອົງການ ແຄສາກົນ ປະຈຳລາວ ແລະ ທີມງານໂຮງໝໍນອ້ຍ 12 ທ່ານ. ໂດຍມີຜູ້ເຂົ້າຮ່ວມທັງໝົດ: 21 ທ່ານ /ຍິງ 16 ທ່ານ, ການລົງຈັດຕັ້ງປະຕິບັດກິດຈະກຳໃນຄັ້ງນີ້ ແມ່ນໄດ້ຮັບທຶນສະໜັບສະໜູນຊ່ວຍເຫຼືອຈາກ ອົງການແຄ ສາກົນ ປະຈຳລາວ. ພາຍໃຕ້ ໂຄງການ “ໂພຊະນາການ 1000 ວັນທຳອິດຂອງຊິວິດ”.
ຂຽນໂດຍ: ດຣ ບົວວັນ ສົມສະໜິດ
ພາບໂດຍ: ດຣ ບົວວັນ ສົມສະໜິດ ແລະ ທີມງານ ອົງການແຄ ສາກົນປະຈໍາລາວ
by tony_admin | ມ.ຖ. 14, 2023 | ຂ່າວສານ
ເຜີຍແຜ່ເລື່ອງສຸຂະພາບຈະເລີນພັນ, ການບໍລິການທີ່ເປັນມິດປິດລັບແກ່ໄວໜຸ່ມ ໃຫ້ແກ່ ອສບ 15 ບ້ານເປົ້າໝາຍ ຢູ່ເມືອງປາກແບງ Orientation of Village Health Volunteers (VHV) on AFHS and referrals
ໃນລະຫວ່າງວັນທີ 16-23 ພຶດສະພາ 2023 ທີ່ຜ່ານມາ
ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ຫ້ອງການສາທາລະນະສຸກເມືອງປາກແບງ ພາຍໃຕ້ໂຄງການ ຮ່າງກາຍຂອງຂ້ອຍ ອະນາຄົດຂອງຂ້ອຍ ໄດ້ລົງໄປສະໜັບສະໜູນທີມງານໂຮງໝໍນ້ອຍໄດ້ຈັດຕັ້ງປະຕິບັດກິດຈະກຳ “ເຜີຍແຜ່ເລື່ອງສຸຂະພາບຈະເລີນພັນ, ການໃຫ້ບໍລິການທີ່ເປັນມິດປິດລັບແກ່ໄວໜຸ່ມ” ໃຫ້ແກ່ ອສບ 15 ບ້ານເປົ້າໝາຍເມືອງປາກແບງ ຄື: ອສບ ບ້ານ ດອນແຈ້ງ, ບ້ານ ຄົກກະ, ບ້ານ ປາກແບງ, ບ້ານ ສຸກໄຊ, ບ້ານ ຄຳ, ບ້ານ ງ່ອນ, ບ້ານ ໄຊຊະນະ, ບ້ານ ຈອມແລງໃຫ່ຍ, ບ້ານ ກອນລາງ, ບ້ານ ມົກໂຄກາງ, ບ້ານ ພູຫຼວງ, ບ້ານ ລ້ອງຢອງ, ບ້ານ ຕອງ, ບ້ານ ພູຫຸງ ແລະ ອສບ ບ້ານ ມົກແຫວນ ທີ່ເປັນບ້ານເປົ້າໝາຍຂອງໂຄງການ.
ໃນກິດຈະກຳແມ່ນໄດ້ເຜີຍແຜ່ ໃຫ້ຄວາມຮູ້ເລື່ອງສຸຂະພາບທາງເພດ ແລະ ສຸຂະພາບຈະເລີນພັນຂອງໄວໜຸ່ມ, ວິທີດູແລຮັກສາເວລາເປັນປະຈຳເດືອນ, ຄວາມຮູ້ພື້ນຖານກ່ຽວກັບ HIV/AIDS ດັ່ງນີ້: ເສັ້ນທາງການຕິດຕໍ່, ວິທີການປ້ອງກັນ ແລະ ທີ່ບໍ່ສາມາດຕິດຕໍ່ໄດ້, ໃຫ້ຄວາມຮູ້ກ່ຽວກັບວິທີການວາງແຜນຄອບຄົວ, ເພື່ອແນະນຳສະຖານທີ່ການບໍລິການໃຫ້ຄຳປຶກສາທີ່ເປັນມິດແກ່ໄວໜຸ່ນ ແລະ ໃຫ້ຄວາມຮູ້ກ່ຽວກັບຜົນດີຂອງແມ່ຍິງຖືພາຜູ້ທີ່ໄດ້ຝາກທ້ອງຢູ່ສະຖານທີ່ບໍລິການກັບແພດໝໍ ແລະ ຄວາມສ່ຽງຕໍ່ຜູ້ບໍ່ໄປຝາກທ້ອງ
ເຊິ່ງທີມງານລົງຈັດຕັ້ງປະຕິບັດກິດຈະກຳໃນຄັ້ງນີ້ ຈາກ ຫ້ອງການສາທາລະນະສຸກເມືອງ ຫົວໜ້າໜ່ວຍງານສົ່ງເສີມສູຂະພາບ, ປະສູດພະຍາດຍິງ ໂຮງໝໍຊຸມຊົນເມືອງປາກແບງ, ວິຊາການປິ່ນປົ່ວ ໂຮງໝໍຊູມຊົນເມືອງ, ຜູ້ປະສານງານພາກສະໜາມ ສສສຄ ແລະ ທີມງານໂຮງໝໍນ້ອຍ 6 ແຫ່ງເມືອງປາກແບງ.
ມີຜູ້ເຂົ້າຮ່ວມທັງໝົດ 45 ທ່ານ ເປັນຍິງ 16 ທ່ານ, ຊາຍ 29 ທ່ານ.
ໃຫ້ທຶນສະໜັບສະໜູນໂດຍ: Plan Finland & ກະຊວງການຕ່າງປະເທດຟິນແລນ
ພາຍໃຕ້ Project My Body My future (MBMF)
ຂຽນຂ່າວໂດຍ: ທ. ແສງເພັດ ຍອດອິນມະນີ
ຖ່າຍພາບໂດຍ: ທ. ແສງເພັດ ຍອດອິນມະນີ
# PFHALAOS
# MBMF Project
by tony_admin | ມ.ຖ. 14, 2023 | ຂ່າວສານ
ຝຶກອົບຮົມ “ການໃຫ້ບໍລິການສຸຂະພາບທີ່ເປັນມິດປິດລັບແກ່ໄວໜຸ່ມ” ໃຫ້ກັບພະນັກງານໂຮງຫມໍນ້ອຍ ແລະ ຜູ້ປະສານງານສາທາເມືອງ Training for HC service providers & DHO staffs on AFHS & SOGIESC
ໃນລະຫວ່າງວັນທີ 15 – 19 ພຶດສະພາ 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ຫ້ອງການສາທາລະນະສຸກເມືອງຮຸນ ແຂວງອຸດົມໄຊ ໄດ້ຈັດຊຸດຝຶກອົບຮົມ “ການໃຫ້ບໍລິການສຸຂະພາບທີ່ເປັນມິດປິດລັບແກ່ໄວໜຸ່ມ” ໃຫ້ແກ່ ຜູ້ປະສານງານຫ້ອງການສາທາລະນະສຸກເມືອງ, ພະນັກງານໂຮງໝໍຊຸມຊົນ ແລະ ພະນັກງານໂຮງໝໍນ້ອຍ 10 ແຫ່ງ ຄື: ໂຮງໝໍນ້ອຍ ນ້ຳພວນ, ໂຮງໝໍນ້ອຍ ນາຊຽງດີ, ໂຮງໝໍນ້ອຍ ໂພນໄຊ, ໂຮງໝໍນ້ອຍ ນ້ຳຕຳ, ໂຮງໝໍນ້ອຍ ນ້ຳພູນ, ໂຮງໝໍນ້ອຍ ຜາຄຳ, ໂຮງໝໍນ້ອຍ ພູວຽງໄຊ, ໂຮງໝໍນ້ອຍ ນາວາງ, ໂຮງໝໍນ້ອຍ ສີບຸນເຮືອງ ແລະ ໂຮງໝໍນ້ອຍ ພູແຊ ທີ່ເປັນເປົ້າໝາຍ ຂອງໂຄງການ “ ຮ່າງກາຍຂອງຂ້ອຍ ອະນາຄົດຂອງຂ້ອຍ “ ມີຜູ້ເຂົ້າຮ່ວມທັງໝົດ 35 ທ່ານ ຍິງ 27 ທ່ານ, ຊາຍ 8 ທ່ານ. ເຊິ່ງມີທີມງານຄູຝຶກມາຈາກພາກສ່ວນກະຊວງສາທາລະນະສຸກ ກົມປິ່ນປົວ ແລະ ຟື້ນຟູໜ້າທີ່ການ, ໜ່ວຍງານສົ່ງເສີມສຸຂະພາບ. ຊຸດຝຶກອົບຮົມໃນຄັ້ງນີ້ນັກສຳມະນາກອນໄດ້ຮຽນຮູ້ກ່ຽວກັບ: ເຍົາວະຊົນໄວໜຸ່ມ ແລະ ຜົນກະທົບ ດ້ານສາທາລະນະສຸກ, ສຸຂະພາບທາງເພດ ແລະ ສຸຂະພາບຈະເລີນພັນຂອງໄວໜຸ່ມ, ການໃຫ້ບໍລິການດ້ານສຸຂະພາບທີ່ເປັນມິດກັບເຍົາວະຊົນ ແລະ ໄວໜຸ່ມ, ພະຍາດຕິດຕໍ່ ທາງເພດສຳພັນ (ພຕພ-STIs), ການຖືພາ ແລະ ການເກີດລູກ, ການລຸລູກທີ່ບໍ່ປອດໄພ, ການຄຸມກຳເນີດ, HIV ແລະ ທິດສະດີ ຄວາຫຼາກຫຼາຍທາງເພດ. ທີ່ຫ້ອງປະຊຸມຫ້ອງການສາທາລະນະສຸກເມືອງຮຸນ ແຂວງ ອຸດົມໄຊ ເຊິ່ງໃຫ້ກຽດເປັນປະທານໂດຍ ທ່ານ ຈວມ ມະນີ ຮອງຫົວໜ້າຫ້ອງການ ສາທາລະນະສຸກເມືອງຮຸນ.
ຈຸດປະສົງໃນການຝຶກອົບຮົມແມ່ນ:
1) ເພຶ່ອຝຶກອົບຮົມກ່ຽວກັບການບໍລິການທີ່ເປັນມິດປິດລັບແກ່ໄວໜຸ່ມໃຫ້ກັບພະນັກງານໂຮງຫມໍນ້ອຍ 10 ແຫ່ງ, ພະນັກງານໂຮງໝໍຊຸມຊົນ ແລະ ຜູ້ປະສານງານສາທາເມືອງຮຸນ.
2) ເພຶ່ອໃຫ້ບັນດາພະນັກງານໂຮງຫມໍນ້ອຍ 10 ແຫ່ງໄດ້ທົດລອງການໃຫ້ບໍລິການທີ່ເປັນມິດປິດລັບແກ່ໄວໜຸ່ມ
3) ເພຶ່ອໃຫ້ພະນັກງານໂຮງຫມໍນ້ອຍໄດ້ຮູ້ເລື່ອງ SOGIESC
ໃຫ້ທຶນສະໜັບສະໜູນໂດຍ: Plan Finland & ກະຊວງຕ່າງປະເທດຟິນແລນ ພາຍໃຕ້ Project My Body My future (MBMF)
ຂຽນຂ່າວໂດຍ: ນ. ວົງນີລັນ ແອງທອງມີ
ຖ່າຍພາບໂດຍ: ນ. ທິບພະຈັນ ອິນທະວົງ
by tony_admin | ມ.ຖ. 14, 2023 | ຂ່າວສານ
ເນື່ອງໃນໂອກາດປີໃຫມ່ລາວ ພສ 2566 ສະມາຄົມສົ່ງເສີມສຸຂະພາບຄອບຄົວ (ສສສຄ), ໄດ້ໄປມອບຂອງຂັວນ ແລະ ອວຍພອນ ປີໃໝ່ ໃຫ້ແກ່ ຄະນະບໍລິຫານງານ ສສສຄ ໃນລະຫວ່າງ ວັນທີ 10 ຫາ 11 ເມສາ 2023; ເຊິ່ງໄດ້ນໍາພາໂດຍ ທ່ານ. ດຣ ສຸດທິສຸກ ອິນທະວິໄລ ຮອງອໍານວຍການ ພ້ອມດ້ວຍທີມງານ ສສສຄ.
ສສສຄ ຂໍອວຍພອນໄຊ ໃຫ້ທຸກໆທ່ານ ຈົ່ງມີແຕ່ ຄວາມສຸກກາຍ ສະບາຍໃຈ ໂຊກດີປີໃຫມ່ລາວ.
ຈຸດປະສົງ:
1. ເພື່ອມອບ ຂອງຂັວນ ແລະ ກ່າວອວຍພອນ ປີໃຫມ່ ໃຫ້ແກ່ຄະນະ ບໍລິຫານງານ ສສສຄ
2 ເພື່ອເປັນການຮັກສາ ວັດທະນະທຳລາວ ແລະ ສ້າງວັດທະນະທໍາ ທີ່ດີໃນອົງກອນ.
ຂຽນຂ່າວໂດຍ: ນາງ ສົມຈິງ ພັນທະສຸກ
ກວດແກ້ໂດຍ: ດຣ ສຸດທິສຸກ ອິນທະວິໄລ
ຖ່າຍຮູບໂດຍ: ທ ຄຳແສນ ຫລວງຫລາດ
ແຕ່ງພາບໂດຍ: ນາງ ທິບພະຈັນ ອິນທະວົງ
by tony_admin | ມ.ຖ. 14, 2023 | ຂ່າວສານ
ຝຶກອົບຮົມ “ການໃຫ້ບໍລິການທີ່ເປັນມິດປິດລັບແກ່ເຍົາວະຊົນ ແລະ ໄວໜຸ່ມ” ໃຫ້ກັບພະນັກງານໂຮງຫມໍນ້ອຍ ແລະ ຜູ້ປະສານງານສາທາເມືອງ Training for HC service providers & DHO staff and managers on AFHS & SOGIESC
ໃນລະຫວ່າງວັນທີ 08-12 ພຶດສະພາ 2023 ທີ່ຜ່ານມາ
ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ຫ້ອງການສາທາລະນະສຸກເມືອງປາກແບງ ແຂວງອຸດົມໄຊ ໄດ້ຈັດຊຸດຝຶກອົບຮົມ “ການໃຫ້ບໍລິການທີ່ເປັນມິດປິດລັບແກ່ເຍົາວະຊົນ ແລະ ໄວໜຸ່ມ” ໃຫ້ແກ່ ພະນັກງານໂຮງຫມໍນ້ອຍ 6 ແຫ່ງ ຄື: ໂຮງໝໍນ້ອຍ ມົກແຫວນ, ໂຮງໝໍນ້ອຍ ລ້ອງຢອງ, ໂຮງໝໍນ້ອຍ ມົກໂຄ, ໂຮງໝໍນ້ອຍ ສິງໄຊ, ໂຮງໝໍນ້ອຍ ໄຊຊະນະ ແລະ ໂຮງໝໍນ້ອຍ ຄົກກະ ທີ່ເປັນເປົ້າໝາຍ ຂອງໂຄງການຮ່າງກາຍຂອງຂ້ອຍ ອະນາຄົດຂອງຂ້ອຍ ແລະ ຜູ້ປະສານງານສາທາເມືອງ ຄື: ນັກສຳມະນາກອນໄດ້ຮຽນຮູ້ກ່ຽວກັບ ເຍົາວະຊົນໄວໜຸ່ມ ແລະ ຜົນກະທົບ ດ້ານສາທາລະນະສຸກ, ສຸຂະພາບທາງເພດ ແລະ ສຸຂະພາບຈະເລີນພັນຂອງໄວໜຸ່ມ, ການໃຫ້ບໍລິການດ້ານສຸຂະພາບທີ່ເປັນມິດກັບເຍົາວະຊົນ ແລະ ໄວໜຸ່ມ, ພະຍາດຕິດຕໍ່ ທາງເພດສຳພັນ (ພຕພ-STIs), ການຖືພາ ແລະ ການເກີດລູກ, ການລຸລູກທີ່ບໍ່ປອດໄພ, ການຄຸມກຳເນີດ, HIV ແລະ ທິດສະດີ ຄວາຫຼາກຫຼາຍທາງເພດ
ທີ່ ແຂວງອຸດົມໄຊ ເມືອງປາກແບງ ໃຫ້ກຽດເປັນປະທານໃນຊຸດຝຶກອົບຮົມໂດຍ ທ່ານ ສົມລິດ ອຳພອນດາລາ ຫົວໜ້າຫ້ອງການ ສາທາລະນະສຸກເມືອງປາກແບງ
ຈຸດປະສົງແມ່ນ
1) ເພຶ່ອຝຶກອົບຮົມກ່ຽວກັບການບໍລິການທີ່ເປັນມິດປິດລັບແກ່ໄວໜຸ່ມໃຫ້ກັບພະນັກງານໂຮງຫມໍນ້ອຍ 6 ແຫ່ງ ແລະ ຜູ້ປະສານງານສາທາເມືອງປາກແບງ
2) ເພຶ່ອໃຫ້ບັນດາພະນັກງານໂຮງຫມໍນ້ອຍ 6 ແຫ່ງໄດ້ທົດລອງການໃຫ້ບໍລິການທີ່ເປັນມິດປິດລັບແກ່ໄວໜຸ່ມ
3) ເພຶ່ອໃຫ້ພະນັກງານໂຮງຫມໍນ້ອຍໄດ້ຮູ້ເລື່ອງ SOGIESC
ເຊິ່ງທີມງານຄູຝຶກແມ່ນມາຈາກພາກສ່ວນກະຊວງສາທາລະນະສຸກ ກົມປິ່ນປົວ ແລະ ຟື້ນຟູໜ້າທີ່ການ, ໜ່ວຍງານສົ່ງເສີມສຸຂະພາບ
ມີຜູ້ເຂົ້າຮ່ວມທັງໝົດ 27 ທ່ານ ເປັນຍິງ 18 ທ່ານ, ຊາຍ 9 ທ່ານ.
ໃຫ້ທຶນສະໜັບສະໜູນໂດຍ: Plan Finland & ກະຊວງຕ່າງປະເທດຟິນແລນ ພາຍໃຕ້ Project My Body My future (MBMF)
ຂຽນຂ່າວໂດຍ: ທ. ແສງເພັດ ຍອດອິດມະນີ
ຖ່າຍພາບໂດຍ: ນ. ທິບພະຈັນ ອິນທະວົງ
