by tony_admin | ກ.ກ. 27, 2023 | ຂ່າວສານ
ວັນທີ 21 – 23 ກໍລະກົດ 2023. ສະມາຄົມສົ່ງເສີມສຸຂະພາບຄອບຄົວ (ສສສຄ) ໄດ້ຈັດຝຶກອົບຮົມ “ພຶດຕິກຳທີ່ໜ້າສົນໃຈ ແລະ ສິ່ງທີ່ໄວໜຸ່ມຄວນຮູ້” ໃຫ້ກັບອາສາສະໝັກ ສສສຄ ຈຳນວນ 21 ຄົນ ທີ່ເມືອງວັງວຽງ ແຂວງວຽງຈັນ.
ຈຸດປະສົງ:
– ເພື່ອໃຫ້ໄວໜຸ່ມໄດ້ຮຽນຮູ້ກ່ຽວກັບເລື່ອງສຸຂະພາບຈະເລີນພັນ ແລະ ສຸຂະພາບທາງເພດ
– ເພື່ອໃຫ້ໄວໜຸ່ມໄດ້ຮັບຮູ້ເຖິງພຶດຕິກຳ ແລະ ການປ່ຽນແປງຂອງຕົວເອງຈາກໄວເດັກສູ່ການເປັນໄວໜຸ່ມ
– ເພື່ອສ້າງຄວາມສາມັກຄີ ແລະ ສາຍສຳພັນທີ່ດີຕໍ່ທີມອາສາ ສສສຄ
ພາຍໃນການຝຶກອົບຮົມໄວໜຸ່ມໄດ້ມີການແລກປ່ຽນທັດສະນະຄະຕີ, ຄວາມເຊື່ອຂອງຕົວເອງກ່ຽວກັບເລື່ອງສຸຂະພາບທາງເພດໃນແຕ່ລະຂົງເຂດມີຄວາມແຕກຕ່າງກັນໄປ, ມີການໄດ້ສຳຫຼວດຄຸນຄ່າຂອງຕົນເອງ, ຄວາມເຂົ້າໃຈກ່ຽວກັບເລື່ອງສຸຂະພາບຈະເລີນພັນ, ຄວາມແຕກຕ່າງ ແລະ ຄືກັນດ້ານພຶດຕິກຳເລື່ອງເພດ, ໄດ້ຮຽນຮູ້ອົງປະກອບຫຼັກເລື່ອງທາງເພດມີຫຍັງເປັນຕົ້ນ.
ຜູ້ເຂົ້າຮ່ວມທັງໝົດ: 29 ທ່ານ, ຍິງ 18 ທ່ານ
ພາຍໃຕ້ໂຄງການ “ແມ່ປອດໄພ”
ສະຖານທີ່: ໂຮງແຮມຝຶກປະຕິບັດ ເມືອງວັງວຽງ ແຂວງວຽງຈັນ
ຂຽນຂ່າວໂດຍ: ທ ວິລະສິດ ອິນທະຫວາ
ຖ່າຍພາບໂດຍ: ທ ແສງເພັດ ຍອດອິນມະນີ ແລະ ນ ວົງນິລັນ ແອງທອງມີ
by tony_admin | ກ.ກ. 27, 2023 | ຂ່າວສານ
ໃນລະຫວ່າງ ວັນທີ 10-12 ກໍລະກົດ 2023, ສະມາຄົມສົ່ງເສີມສຸຂະພາບຄອບຄົວ (ສສສຄ) ໄດ້ມີການຈັດກອງປະຊຸມຝຶກອົບຮົມພາຍໃນຂຶ້ນ ຢູ່ທີ່ຫ້ອງການ ສສສຄ ກ່ຽວກັບການຄ້າເພື່ອສັງຄົມ. ຈຸດປະສົງແມ່ນເພື່ອ ເພີ່ມຄວາມຮູ້ ແລະ ຄວາມເຂົ້າໃຈເລື່ອງ “ ການຄ້າເພື່ອສັງຄົມ Social Enterprise” ໃຫ້ກັບພະນັກງານ ເຊິ່ງໄດ້ຮັບການ ສະໜັບສະໜູນ ທີມຄູຝຶກ ຈາກ ສະຫະພັນວາງແຜນຄອບຄົວສາກົນ (IPPF) ໄດ້ແກ່ ທ່ານ ຣິດຊີເກດແຊນ, ຜູ້ຊ່ວຍອໍານວຍການການຄ້າເພື່ອສັງຄົມ ແລະ ທ່ານ ເອ. ແອລ ມາຈູລາ ຈັນທະຣາງກາ, ຜູ້ໃຫ້ຄໍາປຶກສາດ້ານວິຊາການ ການຄ້າເພື່ອສັງຄົມ. ນໍາພາທີມເຂົ້າຮ່ວມ, ກ່າວຕ້ອນຮັບ ແລະ ເປີດກອງປະຊຸມໂດຍ ທ່ານ ດຣ ສຸພົນ ໄຊຍະວົງ ຜູ້ອຳນວຍການ ສສສຄ ພ້ອມດ້ວຍພະນັກງານ ເຂົ້າຮ່ວມທັງໝົດ 13 ທ່ານ (ຍິງ 08 ທ່ານ). ລະຫວ່າງນັ້ນ, ໄດ້ມີການນໍາສະເໜີ ສະພາບລວມ ຂອງປະເທດ, ຄວາມເປັນມາ, ພາບລວມ ສສສຄ ລວມ ທັງ ແຜນງານດ້ານການຄ້າເພື່ອສັງຄົມ ແລກປ່ຽນກັບຊ່ຽວຊານ ແລະ ພາບລວມ ການຄ້າເພື່ອສັງຄົມ ຂອງ IPPF, ແນວຄວາມຄິດພື້ນຖານ ກ່ຽວກັບການຈັດຕັ້ງ ການຄ້າເພື່ອສັງຄົມ, ຂັ້ນຕອນ ລວມ ໄປເຖິງການສ້າງແຜນ ທຸລະກິດ (Business Plan). ພາຍຫລັງ ການຝຶກອົບຮົມ ເຫັນໄດ້ວ່າ ພະນັກງານ ສສສຄ ໄດ້ມີຄວາມຮູ້ ແລະ ຄວາມເຂົ້າໃຈ ການຄ້າເພື່ອສັງຄົມ ລວມໄປເຖິງ ເຫັນຄວາມສຳຄັນ ຂອງມັນຫຼາຍຂຶ້ນ. ນອກຈາກນີ້ ທັງສອງທ່ານ ຍັງໄດ້ຢ້ຽມຢາມ ຫ້ອງການ ແລະ ຫ້ອງໃຫ້ຄໍາປຶກສາ ສສສຄ ນໍາ.
During July 10-12, 2023, the Promotion of Family Health Association (PFHA) held the internal training session at the FHA office on Social Enterprise. The purpose is to increase the knowledge and understanding of the staff on Social Enterprise which received the support from the Family Planning Association of Sri Lanka, the member of the International Planned Parenthood Federation (IPPF) led by . Mr. Rishikeshan Thiyagaraja (Assistant director SE) and Mr. A.L Manjula Chanthauranga (Technical Advisor SE)
. Welcomed and opened remark by Dr Souphon Sayavong, Executive Director with a total of 13 staff (08 women). During the session, there was a presentation of the country’s overview, the background, the overview of PFHA, including the program of Social Enterprise in exchange with experts as well as learning on the overview of IPPF’s Social Enterprise, the basic concept, step of Social Enterprise and a business plan. After the training, the staff got more knowledge and understanding of Social Enterprise, including seeing its importance. In addition, both of them also visited the office and counseling room of PFHA.
by tony_admin | ກ.ກ. 27, 2023 | ຂ່າວສານ
ໃນຕອນເຊົ້າ ຂອງວັນທີ 15 ກໍລະກົດ 2023, ສະມາຄົມສົ່ງເສີມສຸຂະພາບຄອບຄົວ (ສສສຄ) ໄດ້ຖືກເຊີນ ຈາກ ກຸ່ມຜູ້ອາວຸໂສ ບໍານານ ທີ່ຮຽນຈົບຈາກ ສ ສ ຫວຽດນາມ ໃນອາດີດ ໃຫ້ໄປເຜີຍແຜ່ຄວາມຮູ້ ກ່ຽວກັບ ວິທີການຮັກາສາສຸຂະພາບຜູ້ສູງອາຍຸ ຢູ່ທີ່ ຫໍວັດທະນະທໍາ ຫວຽດນາມ ເສັ້ນທາງ 450 ປີ. ຈຸດປະສົງ ແມ່ນເພື່ອ ສົ່ງເສີມສຸຂະພາບຜູ້ສູງອາຍຸ ເຊິ່ງນໍາພາທີມໂດຍ ທ່ານ ນາງ ດຣ ຈັນສີພີມພະຈັນ, ປະທານສະມາຄົມ ພ້ອມດ້ວຍທີມງານ ທ່ານ ນາງ ດຣ ລັດຕິພອນ ອູລາ, ກອງເລຂາ ແລະ ດຣ ສຸພົນ ໄຊຍະວົງ, ຜູ້ອໍານວຍການ. ລະຫວ່າງນັ້ນ ຜູ້ເຂົ້າຮ່ວມ ໄດ້ຮຽນຮູ້ກ່ຽວກັບພາບລວມ ສສສຄ, ວິທີການຮັກສາສຸຂະພາບຜູ້ສູງອາຍຸ ແລະ ຍັງໄດ້ມີການສົນທະນາ ແລກ ປ່ຽນ ແລະ ສອບຖາມກ່ຽວກັບຂໍ້ຂ້ອງໃຈຂອງຕົວເອງ. ຜ່ານການເຜີຍແຜ່, ຜູ້ເຂົ້າຮ່ວມຕ່າງກໍ່ສະແດງຄວາມສົນໃຈ ແລະ ດີໃຈ ທີ່ທາງ ສສສຄ ໄດ້ໄປໃຫ້ຄວາມຮູ້ດັ່ງກ່າວ.
—————————————————
In the morning, On 15 July 2023, the Promotion of Family Health Association(PFHA) was invited from the elderly group Vietnam Alumni to provide health education on elderly health care at the Vietnam Culture hall on the 450 road. The purpose is to promote elderly health care and led by Dr Chansy Phimphachanh, President, Dr Ratthiphone Oula and Dr Souphon Sayavong, Executive Director. During the session, the participant learned about PFHA overview and taking care of elderly health. In addition, there were discussion such as questions and answers to boost their understanding. Through the learning session, the participant showed their interest and appreciation to the team.
by tony_admin | ກ.ກ. 9, 2023 | ຂ່າວສານ
ການຈັດປະຖົມມະນິເທດເພື່ອເຂົ້າເປັນສະມາຊິກຂອງ ສະຫະພັນວາງແຜນຄອບຄົວສາກົນ(IPPF)
ໃນລະຫວ່າງວັນທີ 5-6, ເດືອນ ກໍລະກົດ, ປີ 2023, ທາງ ສສສຄ ໄດ້ ຈັດກອງປະຊຸມປະຖົມມະນິເທດ ໃຫ້ກັບ ຄະນະບໍລິຫານງານ ແລະ ພະນັກງານ ລວມເຖິງອາສາສະມັກ ໃນຫົວຂໍ້ ການເຂົ້າເປັນສະມາຊິກ ຂອງ ສະຫະພັນວາງແຜນຄອບຄົວສາກົນ(IPPF) ຈຸດປະສົງ ເພື່ອສ້າງຄວາມເຂົ້າໃຈ ໃຫ້ກັບ ຜູ້ເຂົ້າຮ່ວມເຖິງມາດຖານ ແລະ ກົດລະບຽບການສະມາຊິກ ຂອງ IPPF. ກ່າວຕ້ອນຮັບ ແລະ ເປີດກອງປະຊຸມໂດຍ ທ່ານນາງ ດຣ ຈັນສີ ພິມພະຈັນ ປະທານ ສສສຄ ພ້ອມຄະນະປະທານ, ຜູ້ອໍານວຍການ, ພະນັກງານ ແລະ ອາສາ ລວມທັງໝົດ 31 ທ່ານ ແລະ ຍິງ 22 ທ່ານ. ຜູ້ບັນຍາຍ ແມ່ນ ທ່ານ ນາງ Juliana Premala Moses ແລະ ນາງ ທ່ານ NurmajDina BINTI ABDULLAH ຈາກຫ້ອງການພາກພື້ນຂອງສະຫະພັນວາງແຜນຄອບຄົວສາກົນ (IPPF). ລະຫວ່າງ ການນໍາສະເໜີ ຜູ້ເຂົ້າຮ່ວມໄດ້ ຮຽນຮູ້ເຖິງ ເຄືອຂ່າຍ IPPF, ເງື່ອນໄຂ, ມາດຖານ ແລະ ຍຸດທະສາດ ລວມ ເຖິງວິທີການເຮັດວຽກ ຂອງ ການເຂົ້າເປັນສະມາຊິກ.
ນອກຈາກນັ້ນ ຕົວແທນສອງທ່ານ ຍັງໄດ້ ເຂົ້າຢ້ຽມຢາມ ຫ້ອງການ ແລະ ຫ້ອງໃຫ້ຄໍາປຶກສາ ຕອນບ່າຍ. ການປະຊຸມ ແລະ ມາ ຢ້ຽມຢາມ ສສສຄ ຂອງ ຕົວແທນ ສອງທ່ານ ຂອງ IPPF ໃນຄັ້ງນີ້ ໄດ້ມີການແລກປ່ຽນສົນທະນາປຶກສາຫາລື ແລະ ແລກປ່ຽນກັນ ເຮັດໃຫ້ ຄະນະບໍລິຫານ, ພະນັກງານ ແລະ ອາສາສະມັກ ຮູ້ ແລະ ເຂົ້າໃຈແຈ້ງຂຶ້ນ ກ່ຽວກັບຂະບວນການ ແລະ ຂັ້ນຕອນການກະກຽມສະມັກເຂົ້າເປັນສະມາຊິກຂອງ IPPF ລວມເຖິງ ພາລະບົດບາດ ຂອງແຕ່ລະຝ່າຍ.
Orientation to become a association member of the International Family Planning Federation (IPPF)
During July 5-6, 2023, PFHA organized a national planning commission orientation meeting for management board and staff including volunteers on the topic “become a member of the International Family Planning Federation (IPPF)”. The meeting was welcomed and opened by Dr. Chansy Phimphachanh, the president of PFHA, together with the board of directors, directors, staff and volunteers, participant are 31 people and 22 women. The speakers are Mrs. Juliana Premala Moses and Mrs. NurmajDina BINTI ABDULLAH from the regional office of the International Planned Parenthood Federation (IPPF).
During the presentation, participants learned about the IPPF network, criteria, standard and strategies including how membership works.
In addition, two representatives also visited the office and consultation room in the afternoon. The meeting and visit of the two representatives of IPPF this time had an exchange of discussion and exchange so that the management board, staff and volunteers know and understand better about the process and procedure of preparing to become a member of IPPF including the role of each party.
by tony_admin | ກ.ກ. 5, 2023 | ຂ່າວສານ
ເຜີຍແຜ່ເລື່ອງສຸຂະພາບຈະເລີນພັນ, ສິດທິທາງເພດ ແລະ ການບໍລິການທີ່ເປັນມິດປິດລັບ ໃຫ້ແກ່ເຍົາວະຊົນ-ໄວໜຸ່ມ ໃນ 15 ບ້ານເປົ້້າໝາຍ ຢູ່ເມືອງຮຸນ ແຂວງ ອຸດົມໄຊ Promotion of AFHS provided by HCs and helplines among adolescents
ໃນລະຫວ່າງວັນທີ 18 – 28 ມິຖຸນາ 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ ຮ່ວມກັບ ຫ້ອງການສາທາລະນະສຸກເມືອງຮຸນ ພາຍໃຕ້ໂຄງການ : ຮ່າງກາຍຂອງຂ້ອຍ ອະນາຄົດຂອງຂ້ອຍ My Body My Future. “ ໄດ້ລົງເຜີຍແຜ່ໃຫ້ຄວາມຮູ້ເລື່ອງສຸຂະພາບຈະເລີນພັນ, ສິດທິທາງເພດ ແລະ ສະຖານທີ່ບໍລິການທີ່ເປັນມິດໃຫ້ແກ່ເຍົາວະຊົນ-ໄວໜຸ່ມ ” ກຸ່ມອາຍຸ 10-24ປີ ຢູ່ໃນ 15 ບ້ານເປົ້າໝາຍໂຄງການໃນເມືອງຮຸນຄຶ: ບ້ານ ຈັນໄຕ, ບ້ານ ແຟນ, ບ້ານ ສົມພອນ, ບ້ານ ໜອງປາ, ບ້ານ ແກ້ວ, ບ້ານ ມົກຫຼັກ, ບ້ານ ນ້ຳຫນື່ງ, ບ້ານ ໂພນໄຊ, ບ້ານມົກພອດດ ບ້ານກອນເທີຍ, ບ້ານ ຜາຄຳ, ບ້ານ ມົກກະຈອກ, ບ້ານ ຕາດຕະແລ, ບ້ານ ນາວາງ, ບ້ານ ນ້ຳໝ້ຽງ. ທີມງານລົງຈັດຕັ້ງປະຕິບັດກິດຈະກຳຄັ້ງນີ້ປະກອບມີ: ທ່ານ ນາງ ຈັນທາ ສຸກັນທາ ວິຊາການ ໜ່ວຍງານແມ່ແລະເດັກ ຫ້ອງການສາທາລະນະສຸກເມືອງຮຸນ, ທ່ານ ນາງ ລັດດາວອນ ພັນທະວົງ ວິຊາການເກີດລູກ – ພະຍາດຍິງ ໂຮງໝໍຊູມຊົນເມືອງຮຸນ, ທ່ານ ວັນນານ້ອຍ ນິຍົມສິນ ຜູ້ປະສານງານໂຄງການ MBMF ຈາກ ສສສຄ ນະຄອນຫຼວງວຽງຈັນ, ນາງ ຂັນທະລີ ວຽນນະໃສ ການເງິນໂຄງການ MBMF ຈາກ ສສສຄ ນະຄອນຫຼວງວຽງຈັນ, ທ່ານ ນາງ ວົງນີລັນ ແອງທອງມີ ຜູ້ປະສານງານພາກສະໜາມໂຄງການ MBMF ສສສຄ ປະຈຳເມືອງຮຸນ ແລະ ຜູ້ປະສານງານໂຮງໝໍນ້ອຍ 10 ແຫ່ງເມືອງ ຮຸນ ແຂວງ ອຸດົມໄຊ.
ພາຍໃນກິດຈະກຳແມ່ນທີມງານໄດ້ລົງພື້ນທີ່ໄປແຕ່ລະບ້ານ ໃນການລົງໄປເຜີຍແຜ່ຂໍ້ມູນໃຫ້ໄວໜຸ່ມ, ການເປີດໂອກາດໃຫ້ໄວໜຸ່ມສົນທະນາແລກປ່ຽນຄວາມຄິດເຫັນ, ສອບຖາມຄວາມເຊື່ອທີ່ເຄີຍໄດ້ຍິນຜ່ານມາ ແລະ ຖາມຕອບເພື່ອແຈກຂອງລາງວັນ, ເຊີ່ງຂອງລາງວັນທີ່ນຳໄປແຈກ ສ່ວນໃຫຍ່ເປັນສິ່ງຂອງທີ່ນຳໃຊ້ໃນຊີວິດປະຈຳວັນຂອງໄວໜຸ່ມເອງ ເຊັ່ນ: ສະບູ, ແຟບ, ຜ້າອະນາໄມ, ຖົງຢາງອະນາໄມ, ແປງຖູແຂ້ວ ແລະ ອ່ືນໆ.
ມີຜູ້ເຂົ້າຮ່ວມທັງໝົດຈາກ 15 ບ້ານ 1,383 ຄົນ, ຍິງ 777 ຄົນ, ຊາຍ 604 ຄົນ.
ຈຸດປະສົງ :
1. ເພື່ອເປັນການເຜີຍແຜ່ເລື່ອງສຸຂະພາບຈະເລີນພັນ ແລະ ສຸຂະພາບທາງເພດ.
2. ເພື່ອແນະນຳສະຖານທີ່ການບໍລິການຫ້ອງໃຫ້ຄຳປຶກສາທີ່ເປັນມິດແກ່ໄວໜຸ່ມ.
3. ເພື່ອເຜີຍແຜ່ ເລື່ອງການຈະເລີນເຕີບໂຕຂອງຮ່າງກາຍໄວໜຸ່ມ ຍິງ-ຊາຍ, ວິທີການຄຸມກຳເນີດ, ພະຍາດຕິດຕໍ່ທາງເພດສຳພັນ (ພຕພ),ຄວາມຮູ້ພື້ນຖານກ່ຽວກັບ HIV/AIDS, ວິທີດູແລຮັກສາເວລາເປັນປະຈຳເດືອນ, ວິທີໃສ່ຖົງຢາງ.
ໃຫ້ທຶນສະໜັບສະໜູນໂດຍ: Plan Finland & ກະຊວງການຕ່າງປະເທດຟິນແລນ
ຂຽນຂ່າວໂດຍ: ນາງ ວົງນີລັນ ແອງທອງມີ
ຖ່າຍພາບໂດຍ: ນາງ ວົງນີລັນ ແອງທອງມີ
# PFHALAOS
# MBMF Projec
