by tony_admin | ສ.ຫ. 15, 2023 | ຂ່າວສານ
ໃນວັນທີ 2 ສິງຫາ 2023, ສສສຄ ໄດ້ຖືກເຊີນໃຫ້ເຂົ້າຮ່ວມ ງານສະເຫຼີມສະຫຼອງວັນ ສັບປະດາ ສາກົນ ການລ້ຽງລູກດ້ວຍນົມແມ່ ຢູ່ ທີ່ໂຮງແຮມ ຄຣາວພລາຊາ ຈາກ SUN CSA Laos. ຈຸດປະສົງຂອງງານ ແມ່ນ ເພື່ອເປັນການປຸກຈິດສໍານຶກໃຫ້ທຸກພາກສ່ວນເຫັນເຖິງຄວາມສໍາຄັນ ໃນການລ້ຽງລູກດ້ວຍນົມແມ່ ຂອງ ສະຖານທີ່ເຮັດວຽກ. ຕາງໜ້າເຂົ້າຮ່ວມໂດຍ ດຣ ສຸພົນ ໄຊຍະວົງ, ຜູ້ອໍານວຍການ ສສສຄ ແລະ ມີຜູ້ເຂົ້າຮ່ວມຈາກພາກສ່ວນຕ່າງໆ ທັງພາກລັດ ຂັ້ນກະຊວງ, ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ ແລະ ພາກເອກະຊົນ ຫຼາຍກວ່າ 100 ທ່ານ. ໃນງານດັ່ງກ່າວ, ນອກຈາກໄດ້ຮັບຟັງປະຫວັດຄວາມເປັນມາ ຂອງ ວັນສັບປະດາ ສາກົນ ການລ້ຽງລູກດ້ວຍນົມແມ່, ຊົມວິດີໂອ ແລະ ຟັງການສົນທະນາເທິງເວທີ ແລ້ວ ຍັງມີການມອບລາງວັນ ດີເດັ່ນປະເພດຕ່າງໆ ໃຫ້ແກ່ພາກສ່ວນທີ່ມີຜົນງານດີເດັ່ນ ໃນດ້ານຄວາມເອົາໃຈໃສ່ ການລ້ຽງລູກດ້ວຍນົມແມ່ ໃນສະຖານທີ່ເຮັດວຽກ ເຊິ່ງໃນນັ້ນ ສສສຄ ກໍ່ໄດ້ຮັບລາງວັນດີເດັ່ນ ປະເພດທີ ໜຶ່ງ ຈາກ SUN CSA Laos ເຊັ່ນກັນ.
———————————————————————–
On 2 August 2023, PFHA was invited to join SUN Laos World Breastfeeding Week 2023 Celebration at Lao Crow Plaza, Vientiane Capital. The purpose of event was to raise awareness of World Breastfeeding Week to people and the workplace. Dr Souphon Sayavong, Executive Director represented PFHA and there were more than 100 participants from other sectors such as representatives from Ministries, INGOs, CSOs, and private sectors. During the event, in addition to presenting the history of World Breastfeeding Week, video watching, panelist discussion, there was also awards for excellent workplace on promoting breastfeeding. PFHA also got the first award from SUN CSA Laos.
by tony_admin | ສ.ຫ. 15, 2023 | ຂ່າວສານ
ກອງປະຊຸມປະຈຳປີທີ 2 ໂຄງການເຊື່ອມສານ “ແມ່ປອດໄພ” ແລະ ໂຄງການ “ຕອບສະໜອງ”
ໃນວັນທີ 2-3 /08/2023. ສະມາຄົມສົ່ງເສີມສຸຂະພາບຄອບຄົວ (ສສສຄ) ຮ່ວມກັບ ພະແນກສາທາລະນະສຸກແຂວງຫຼວງນໍ້າທາ, ແຂວງບໍ່ແກ້ວ ໄດ້ຈັດກອງປະຊຸມຂຶ້ນເຊິ່ງກອງປະຊຸມມີຊື່ວ່າ ” ກອງປະຊຸມປະຈຳປີທີ 2 ໂຄງການເຊື່ອມສານ “ແມ່ປອດໄພ” ແລະ ໂຄງການ “ຕອບສະໜອງ” ໂດຍໄດ້ຮັບກຽດເຂົ້າຮ່ວມກອງປະຊຸມຈາກແຂກທີ່ຖືກເຊື້ອເຊີນຈາກສູນກາງເພື່ອເຂົ້າຮ່ວມແລກປ່ຽນ, ຖອດຖອນບົດຮຽນ ໃນການປະຕິບັດກິດຈະກໍາ ແລະ ແນະນໍາກ່ຽວກັບນະໂຍບາຍຕ່າງໆຂອງແຕ່ລະວຽກງານທີ່ກ່ຽວຂ້ອງເຊັ່ນ: ສູນແມ່ແລະເດັກ, ຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ກົມຄຸ້ມຄອງ ແລະ ສົ່ງເສີມວຽກງານຍຸດຕິທໍາ ກະຊວງຍຸດຕິທໍາ, ກຸ່ມພູມໃຈທີ່ເປັນເຮົາ, ສະມາຄົມສົ່ງເສີມສຸຂະພາບຊຸມຊົນ ແລະ ການມີສ່ວນຮ່ວມ (CHIAS), ສະມາຄົມພັດທະນາແມ່ຍິງ ແລະ ການສຶກສາກົດໝາຍ (ADWLE), ສະມາຄົມ ພັດທະນາບົດບາດຍິງຊາຍ (GDA).
ນອກຈາກນັ້ນ, ກອງປະຊຸມຍັງໄດ້ຮັບກຽດເຂົ້າຮ່ວມຈາກ ພະແນກສາທາລະນະສຸກແຂວງບໍ່ແກ້ວ, ແຂວງ ຫຼວງນໍ້າທາ, ຫ້ອງການສາທາລະນະສຸກເມືອງ ວຽງພູຄາ, ເມືອງນາແລ, ເມືອງ ຜາອຸດົມ, ເມືອງ ປາກທາ, ເມືອງ ຕົ້ນເຜິ້ງ, ເມືອງ ເມິງ, ເມືອງ ລອງ, ໂຮງໝໍຊຸມຊົນເມືອງ ແລະ ສະຫະພັນແມ່ຍິງເມືອງ ວຽງພູຄາ, ເມືອງ ນາແລ, ເມືອງ ປາກທາ, ເມືອງ ຜາອຸດົມ, ໂຮງໝໍນ້ອຍ 20 ແຫ່ງທີ່ເປັນຄູ່ຮ່ວມງານຢູ່ໃນພື້ນທີ່ເປົ້າໝາຍ ພ້ອມທັງເປັນສະຖານທີ່ເປົ້າໝາຍ ຂອງໂຄງການເຊື່ອມສານແມ່ປອດໄພ ແລະ ໂຄງການຕອບສະໜອງ (RESPOND).
ໃຫ້ກຽດເປັນປະທານໃນການເປີດ-ປິດ ກອງປະຊຸມໂດຍ ທ່ານ ດຣ. ກອນສະໜຸກ ສິງພວງເພັດ, ຮອງປະທານ ສສສຄ, ເຊິ່ງໃນກອງປະຊຸມຄັ້ງນີ້້ມີການເປັນປະທານຮ່ວມໂດຍ ທ່ານ ດຣ. ນາງ ບົວນິນ ອິນໃຈ, ຄະນະພະແນກສາທາລະນະສຸກ ແຂວງຫຼວງນ້ຳທາ, ທ່ານ ດຣ. ຄໍາສິນ ພົມມະຫານ, ຮອງຫົວໜ້າສາທາລະນະສຸກແຂວງບໍ່ແກ້ວ.
ຜູ້ເຂົ້າຮ່ວມທັງໝົດ: 63 ທ່ານ, ຍິງ 44 ທ່ານ
ພາຍໃຕ້ໂຄງການ “RESPOND”
ສະຖານທີ່: ຫ້ອງປະຊຸມ ໂຮງແຮມ ທະວິີສຸກ, ເມືອງວັງວຽງ, ແຂວງ ວຽງຈັນ
ຈຸດປະສົງ:
• ເພື່ອຂໍການສະໜັບໜູນ ໃນການຈັດຕັ້ງປະຕິບັດ ແຜນຍຸດທະສາດຄື: ການລຸລູກທີ່ປອດໄພ, ການວາງແຜນຄອບຄົວແບບຊົ່ວຄາວໄລຍະຍາວ, ການຕ້ານການໃຊ້ຄວາມຮຸນແຮງຕໍ່ ແມ່ຍິງ-ເດັກ ແລະ ການເຂົ້້າເຖິງຂະບວນການຍຸດຕິທຳ ຂອງ ແມ່ຍິງທີ່ຖືກຄວາມຮຸນແຮງ.
• ເພື່ອນຳສະເໜີກ່ຽວກັບ ຜົນການຈັດຕັ້ງປະຕິບັດໂຄງການໃນໄລຍະປີ 2 ແລະ ແຜນການຈັດຕັ້ງປະຕິບັດໂຄງການປີທີ 3
ຂຽນຂ່າວໂດຍ: ນ. ແສງສະໄໝ ສ່ຽນສີລິບຸດ
ຖ່າຍພາບໂດຍ: ທ. ວິລະສິດ ອິນທະຫວາ
by tony_admin | ສ.ຫ. 15, 2023 | ຂ່າວສານ
ກອງປະຊຸມ ສະຫຼຸບ-ລາຍງານຜົນການຈັດຕັ້ງປະຕິບັດໂຄງການໃນໄລຍະ 02 ປີ ປິທີ1 (2021-2022) ປີທີ2(2022-2023) ແລະ ປິດໂຄງການ.
ໃນວັນທີ 21 ກໍລະກົດ 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ ໃນນາມໂຄງການ ຮ່ວມແຮງຮ່ວມໃຈ ຕ້ານ ແລະ ສະກັດກັ້ນພະຍາດໂຄວິດ-19 ໃນເຂດທີມີຄວາມສ່ຽງ. ໄດ້ຈັດກອງປະຊຸມ ສະຫຼູບ-ລາຍງານຜົນການຈັດຕັ້ງປະຕິບັດໂຄງການໃນໄລຍະ 02 ປີ ປິທີ1 (2021-2022) ປີທີ2(2022-2023) ແລະ ປິດໂຄງການ. ເຊີ່ງໄດ້ຮັບກຽດເປັນປະທານ ກອງປະຊຸມໂດຍ ທ່ານ ດຣ ນາງ ບົວນິນ ອິນໃຈ ຄະນະພະແນກສາທາລະນະສຸກແຂວງຫຼວງນ້ຳທາ, ທ່ານ ນາງ ຈັນຄຳ ມີໄຊ ຮອງເລຂາພັກເມືອງ ປະທານອົງການແນວລາວສ້າງຊາດເມືອງວຽງພູຄາ ແຂວງຫຼວງນ້ຳທາ ແລະ ທ່ານ ດຣ ນາງ ເພັດສະໝອນ ຈິນດາວົງສີສຸລາດ ຮອງປະທານສະມາຄົມ ສົ່ງເສິມສຸຂະພາບຄອບຄົວ. ເຊີ່ງມີຜູ້ຕາງໜ້າ ຈາກພະແນກສາທາລະນະສຸກແຂວງ, ພະແນກພາຍໃນແຂວງ, ພະແນກແຮງງານສະຫວັດດີການແລະສັງຄົມແຂວງ, ພະແນກກະສິກຳ ແລະ ປ່າໄມ້ແຂວງຫຼວງນໍ້າທາ, ຫ້ອງການສາທາລະນະສຸກເມືອງ, ຫ້ອງການກະສິກຳເມືອງ, ຫ້ອງການແຮງງານສະຫວັດດີການ-ສັງຄົມເມືອງ, ຫ້ອງການສຶກສາເມືອງ, ຫ້ອງການພາຍໃນເມືອງ, ອຳນາດການປົກຄອງບ້ານ 8 ບ້ານ, ອຳນວຍການໂຮງຮຽນ 8 ແຫ່ງ ແລະ ໂຮງໝໍນ້ອຍ ຂອງ 02 ເມືອງຄື ເມືອງລອງ ແລະ ເມືອງວຽງພູຄາ, ພ້ອມທັງ ພະນັກງານຈາກສະມາຄົມສົ່ງເສີມສຸຂະພາບຄອບຄົວ, ເຊີ່ງມີຜູ້ເຂົ້າຮ່ວມທັງໝົດຈຳນວນ 68 ທ່ານ ເປັນຍິງ 28 ທ່ານ.
ໃນກອງປະຊຸມໄດ້ນຳສະເໜີ ຜົນຂອງການຈັດຕັ້ງປະຕິບັດ ການປັບປຸງສວນຜັກຂອງໂຮງຮຽນ ມປາຍຊົນເຜົ່າ, ການລາຍງານຈາກຕາງໜ້າຄອບຄົວທີໄດ້ຮັບການສະໜັບສະໜູນຈາກໂຄງການ ພ້ອມທັງການລາຍງານຜົນຂອງການຈັດຕັ້ງປະຕິບັດໂຄງການໃນໄລຍະ 2 ປີ ໂດຍຫຍໍ້ໂດຍຜູ້ຮັບຜິດຊອບໂຄງການ ແລະ ການສົນທະນາເພື່ອມອບໂຄງການໃຫ້ແກ່ພາກສ່ວນກ່ຽວຂ້ອງໃນການສຶບຕໍ່ການຕິດຕາມ ແລະ ຊຸ້ຍູ້ກີດຈະກຳໃນຕໍ່ໜ້າພາຍຫຼັງ ໂຄງການສີ້ນສຸດ.
#ໄດ້ຮັບທຶນສະໜັບສະໜູນໂດຍສະຫະພາບເອີຣົບໃນ ສປປ ລາວ MOU ກັບກະຊວງສາທາລະນະສຸກ – ກົມຄວບຄຸມພະຍາດຕິດຕໍ່. ຈັດຕັ້ງປະຕິບັດຮ່ວມກັນໂດຍ: ອົງການ Plan ສາກົນ ເຢຍລະມັນ – Plan ລາວ, ສະມາຄົມສຸຂະພາບຊຸມຊົນ ແລະ ການມີສ່ວນຮ່ວມ (CHias), ສະມາຄົມພັດທະນາກະສິກໍາ ແລະສິ່ງແວດລ້ອມແບບຍືນຍົງ (SAEDA), ຮ່ວມມືກັນຢ່າງໃກ້ຊິດກັບ ກະຊວງແຮງງານ ແລະ ສະຫວັດດີການສັງຄົມ ແລະ ກະຊວງອື່ນໆ ແລະ ຄະນະສະເພາະກິດ ຂອງລັດຖະບານ, ປະສານງານຜ່ານ LCCO.
ຂຽນໂດຍ: ທ່ານ ນາງ ນ້ອຍນິລັນ ສຸວັນຍະວົງ
ພາບໂດຍ: ທ່ານ ນາງ ນ້ອຍນິລັນ ສຸວັນຍະວົງ
by tony_admin | ສ.ຫ. 15, 2023 | ຂ່າວສານ
“ ກອງປະຊຸມໃຫຍ່ ຄັ້ງທີ່ IV ສະມາຄົມສົ່ງເສີມສຸຂະພາບຄອບຄົວ ຢູ່ຫ້ອງປະຊຸມສູນກາງແນວລາວສ້າງຊາດ ນະຄອນຫຼວງວຽງຈັນ “
ໃນວັນທີ 28 ກໍລະກົດ 2023 ທີ່ຜ່ານມາ ສະມາຄົມສົ່ງເສີມສຸຂະພາບຄອບຄົວ ໄດ້ຈັດກອງປະຊຸມໃຫຍ່ຄັ້ງທີ IV ຢູ່ທີ່ຫ້ອງປະຊຸມສູນກາງແນວລາວສ້າງຊາດ, ໂດຍການເປັນປະທານ ຂອງທ່ານ ນາງ ດຣ ຈັນສີ ພິມພະຈັນ ປະທານສະມາຄົມສົ່ງເສີມສຸຂະພາບຄອບຄົວ. ພາຍໃນກອງປະຊຸມໄດ້ມີການຮັບຊົມວິດີໂອ ປະຫວັດຄວາມເປັນມາ ແລະ ພາບລວມຂອງ ສສສຄ, ພ້ອມກັນນັ້ນຍັງໄດ້ມີການລາຍງານ ການເຄື່ອໄຫວວຽກງານ, ຜົນໄດ້ຮັບຂອງການເຮັດວຽກໃນໄລຍະຜ່ານມາ ແລະ ຜ່ານແຜນຍຸດທະສາດ ສສສຄ 2023 – 2028 ໂດຍ ທ່ານ ດຣ ສຸພົນ ໄຊຍະວົງ ຜູ້ອຳນວຍການ ສສສຄ, ລາຍງານການບັນລຸຕົວຊີ້ວັດໂດຍ ທ່ານ ແສງເພັດ ທະບັນດິດ ຜູ້ອຳນວຍການແຜນງານ ສສສຄ, ລາຍງານການເງີນຊັບສິນ ສສສຄ ແລະ ການກວດສອບການເງິນຈາກພາຍນອກໂດຍ ນາງ ເທບອັນສອນ ແສງສະຫວັດ ຜູ້ບໍລິຫານການເງິນ ສສສຄ. ນອກຈາກນັ້ນຍັງໄດ້ຜ່ານກົດລະບຽບ ສສສຄ ສະບັບປັບປຸງ, ຜ່ານນະໂຍບາຍ 11 ນະໂຍບາຍຂອງ ສສສຄ ໂດຍ ທ່ານ ນາງ ດຣ ສຸດທິສຸກ ອິນທະວິໄລ ຮອງອຳນວຍການ ສສສຄ ແລະ ຍັງມີການສົນທະນາແລກປ່ຽນລະຫວ່າງອົງການຈັດຕັ້ງລັດ, ອົງການຈັດຕັ້ງສັງຄົມ ແລະ ສະມາຊິກ ສສສຄ
ນອກຈາກນັ້ນ ສະມາຄົມສົ່ງເສີມສຸຂະພາບຄອບຄົວ ຍັງໄດ້ມີການເລືອກຕັ້ງຄະນະບໍລິຫານງານຊຸດໃຫມ່ (ຊຸດທີ IV) ຂອງສະມະຊິກ ສສສຄ ເຊິ່ງຜົນການເລືອກຄະນະປະທານຊຸດໃຫມ່ມີທັງໝົດ 7 ທ່ານມີດັ່ງນີ້:
1. ທ່ານ ນາງ ດຣ. ຈັນສີ ພິມພະຈັນ ປະທານ ສສສຄ
2. ທ່ານ ດຣ. ກອນສະໜຸກ ສິງພວງເພັດ ຮອງປະທານ ສສສຄ
3. ທ່ານ ນາງ ຈັນສະໝອນ ຈິນດາວົງສີສຸລາດ ຄະນະກຳມະການ
4. ທ່ານ ນາງ ສີອໍາພອນ ສີລັດຕະນະກຸນ ຄະນະກວດກາ
5. ທ່ານ ນາງ ລົດຈະນາ ສຸລິວົງຄໍາ ຄະນະກວດກາ (ຕົວແທນໄວໜຸ່ມ)
6. ທ່ານ ນາງ ດຣ ມະນີສອນ ອຸດົມ ກອງເລຂາ
7. ທ່ານ ນາງ ເມກທິດາ ບູລົມ ກອງເລຂາ (ຕົວແທນໄວໜຸ່ມ)
ໃນກອງປະຊຸມຄັ້ງນີ້ໄດ້ຮັບກຽດເຂົ້າຮ່ວມຈາກບັນດາຕາງໜ້າຈາກອົງການຈັດຕັ້ງຂອງລັດ, ອົງການຈັດຕັ້ງທາງສັງຄົມ ແລະ ພາກສ່ວນກ່ຽວຂ້ອງຕ່າງໆ ເຊິ່ງມີ ກະຊວງພາຍໃນ 1 ທ່ານ, ກະຊວງສາທາລະນະສຸກ 1 ທ່ານ, ອົງການຈັດຕັ້ງຂອງລັດ 17 ທ່ານ, ອົງການຈັດຕັ້ງທາງສັງຄົມ 10 ທ່ານ, ອົງການຈັດຕັ້ງສາກົນ 11 ທ່ານ, ສະມາຊິກຂອງສະມາຄົມ 30 ທ່ານ, ລວມທັງໝົດ 68 ທ່ານ, ຍິງ 38 ທ່ານ.
ຈຸດປະສົງຂອງກອງປະຊຸມ :
1. ເພື່ອລາຍງານ ການເຄື່ອນໄຫວວຽກງານ ແລະ ຜົນໄດ້ຮັບການຈັດຕັ້ງປະຕິບັດວຽກຂອງ ສສສຄ.
2. ເພື່ອຜ່ານກົດລະບຽບສະບັບປັງປຸງເທື່ອທີ 2 ຂອງ ສສສຄ.
3. ເພື່ອເລືອກຕັ້ງຄະນະບໍລິຫານງານ ຊຸດໃຫມ່ (ຊຸດທີ 4) ຂອງ ສສສຄ.
ຂຽນຂ່າວໂດຍ: ນາງ ວົງນີລັນ ແອງທອງມີ
ຖ່າຍພາບໂດຍ: ນາງ ວົງນີລັນ ແອງທອງມີ ແລະ ທ້າວ ແສງເພັດ ຍອດອິນທະວີໄລ
# PFHALAOS
# ສສສຄ
by tony_admin | ກ.ກ. 27, 2023 | ຂ່າວສານ
ໃນລະຫວ່າງ ວັນທີ່ 21 ກໍລະກົດ 2023 ທ່ານ ນາງ ດຣ ຈັນສະໝອນ ສີສຸລາດ ຮອງປະທານສະມາຄົມສົ່ງເສີມສຸຂະພາບຄອບຄົວ. ໄດ້ມອບອຸປະກອນກິລາ ແລະ ອຸປະກອນການຮຽນໃຫ້ນ້ອງນັກຮຽນໃນໂຮງຮຽນ 3 ແຫ່ງໃນເມືອງວຽງພູຄາແຂວງຫຼວງນ້ຳທາ ເຊີ່ງມີລາຍລະອຽດດັ່ງນີ້: ອຸປະກອນກິລາ 03 ຊຸດ ແລະ ປື້ມຂຽນ 03 ມັດ ເຊີ່ງຕາງໜ້າຮັບຈາກອຳນວຍການໂຮງຮຽນ ແລະ ນ້ອງນັກຮຽນປະຖົມບ້ານທ້ຽວ, ປະຖົມວຽງສະຫວ່າງ ແລະ ມປ ຊົ່ນເຜົ່າເມືອງ.
ພ້ອມກັນນີ້ ຍັງໄດ້ມອບເຄື່ອງນຸ່ງຫົ່ມ ຈຳນວນ 03 ຖົງໃຫຍ່ໃຫ້ກັບໂຮງໝໍຊຸມຊົນເມືອງວຽງພູຄາ ເພື່ອແຈກຍາຍໃຫ້ກັບປະຊາຊົນທີທຸກຈົນ ທີມາໃຊ້ບໍລິການຢູ່ໂຮງໝໍຊຸມຊົນ ຕາງຫນ້າຮັບໂດຍທ່ານ ນາງ ດຮ ສົມປອງ ອາດທອງ ຫົວໜ້າຫ້ອງການສາທາລະນະສຸກເມືອງວຽງພູຄາ ແລະ ແພດໝໍ ໃນໂຮງໝໍຊຸມຊົນ. ໃນການເຂົ້າຮ່ວມໂດຍ ທ່ານ ດຣ ບົວນິນ ອິນໃຈ ຄະນະພະແນກສາທາລະນະສຸກແຂວງຫຼວງນ້ຳທາ ແລະ ທີມງານເຂົ້າຮ່ວມ.
ຂຽນໂດຍ: ທ່ານ ນາງ ນ້ອຍນິລັນ ສຸວັນຍະວົງ
ພາບໂດຍ: ທ່ານ ນາງ ນ້ອຍນິລັນ ສຸວັນຍະວົງ
