by tony_admin | ກ.ຍ. 14, 2023 | ຂ່າວສານ
” ສສສຄ ເຂົ້າຮ່ວມ ເປັນຄະນະກອງປະຊຸມ ພາກປະຊາຊົນອາຊຽນ ປີ 2023 “
ໃນວັນທີ 1-3 ກັນຍາ 2023, ສສສຄ ໄດ້ຖືກຄັດເລືອກເປັນຄະນະກໍາມະການ ກອງປະຊຸມພາກປະຊາຄົມອາຊຽນ (ACSC/APF2023) ຝ່າຍລາວ ເຂົ້າຮ່ວມກອງປະຊຸມ ຢູ່ທີ່ ນະຄອນຫຼວງຈາກາຕາ, ປະເທດອີນໂດເນເຊຍ. ຈຸດປະສົງກອງປະຊຸມດັ່ງກ່າວແມ່ນ ເພື່ອສົນທະນາແລກປ່ຽນຄວາມຄິດເຫັນກ່ຽວກັບສະພາບດ້ານຕ່າງໆ ທີ່ເປັນປັນຫາໃນບັນດາປະເທດອາຊຽນ ແລະ ຮ່າງທະແຫຼງການເພື່ອຍື່ນຕໍ່ກອງປະຊຸມ ສຸດຍອດຜູ້ນໍາອາຊຽນ. ຕາງໜ້າເຂົ້າຮ່ວມໂດຍ ທ່ານ ນາງ ດຣ ຈັນສີ ພີມພະຈັນ, ປະທານ ສສສຄ ແລະ ທັງເປັນປະທານຄະນະກໍາມະການອົງການຈັດຕັ້ງສັງຄົມລາວ ແລະ ດຣ ສຸພົນ ໄຊຍະວົງ, ຜູ້ອໍານວຍການ ສສສຄ ແລະ ທັງເປັນ ຄະນະກໍາມະການອົງການຈັດຕັ້ງສັງຄົມລາວ ແລະ ທັງເປັນຫົວໜ້າກຸ່ມສາທາລະນາສຸກ. ກອງປະຊຸມດັ່ງກ່າວຕົວແທນເຂົ້າຮ່ວມຈາກ 11 ປະເທດອາຊຽນ ຈໍານວນຫຼາຍກວ່າ 300 ທ່ານ. ຜ່ານການປະຊຸມໄດ້ຮັບຟັງ ແລະ ສົນທະນາ ການລາຍງານ ສະພາບຫຼາຍຢ່າງຈາກຜູ້ນໍາສະເໜີຈາກຫຼາຍປະເທດ ເຊັ່ນ: ເລື່ອງສິດທິມະນຸດ, ສະພາບດິນຟ້າອາກາດທີ່ກ່ຽວຂ້ອງກັບສິດທິມະນຸດ, ການປົກປ້ອງທາງສັງຄົມ, ເປັນຕົ້ນ. ນອກຈາກນັ້ນ, ຕອນຄໍ່າຂອງມື້ສຸດທ້າຍ ຍັງມີງານສັງສັນເພື່ອຄວາມສາມັກຄີ ເປີດໂອກາດໃຫ້ ແຕ່ລະປະເທດໄດ້ສະແດງເອກະລັກ ແລະ ວັດທະນະທໍາຂອງຕົວເອງ ເຊິ່ງລາວເຮົາໄດ້ ສະແດງໂຊຟ້ອນລໍາວົງປະກອບເພງ ເຢັນສະບາຍຊາວນາ ແລະ ລໍາສາລະວັນ.
—————————————————–
On 1-3 September 23, PFHA was selected to join the Lao ACSC/APF 2023 Committee in Jarkata, Indonesia. The purpose of ACSC/APF 2023 was to discuss all challenges among ASEAN Country Member related to Human Right and draft the statement to submit to ASEAN Summit 2023. Represented by Dr Chansy Phimphachanh, PFHA president and also on behalf of CSOs Lao President and Dr Souphon Sayavong, Executive Director and also on behalf of CSO’s committee. There were more than 300 participants from 11 ASEAN Member States. During that, there were lot of issues related to human rights e.g. labor, climate change, etc being presented, discussed and recommended. In addition, the evening of last day, there was also culture show from each countries which Laos showing Laolamvong with Yen Sabai Sao Na Song and Lamvong Salavan.
ຂຽນ, ກວດ ແລະ ພາບໂດຍ: ດຣ ສຸພົນ ໄຊຍະວົງ
by tony_admin | ສ.ຫ. 31, 2023 | ຂ່າວສານ
ສະມາຄົມ ສົ່ງເສີມສູຂະພາບຄອບຄົວ ໄດ້ເຂົ້າຮ່ວມ “ກອງປະຊຸມເຜີຍແຜ່ຜົນສຳເລັດໃນການຈັດຕັ້ງປະຕິບັດ ແລະ ປິດໂຄງການ ການປະກອບສ່ວນຂອງອົງການຈັດຕັ້ງສັງຄົມລາວ ເພື່ອປ້ອງກັນ ແລະ ຫຼຸດຜ່ອນຄວາມສ່ຽງຈາກພະຍາດ ໂຄວິດ-19 (CiSAC-19)”
ໃນວັນທີ່ 24 ສິງຫາ 2023 ສສສຄ ໄດ້ເຂົ້າຮ່ວມ ກອງປະຊຸມພິທີປິດໂຄງການດັ່ງກ່າວ, ມີຈຳນວນ 22 ອົງການຈັດຕັ້ງສັງຄົມ (CSO) ທີ່ໄດ້ຮັບທຶນຈາກສະຫະພາບເອີຣົບເປັນເວລາ 3 ປີ. ເຊີ່ງໃຫ້ກຽດເຂົ້າຮ່ວມຂອງ ທ່ານ ດຣ ໄພວັນ ແກ້ວປະເສີດ, ຮອງລັດຖະມົນຕີກະຊວງສາທາລະນະສຸກ, ທ່ານ ນາງ ອີນ່າ, ເອກອັກຄະລັດຖະທູດສະຫະພາບເອີຣົບປະຈຳລາວ , ທ່ານນາງ ແຄໂຣລ ໂມແທນສັນ ອໍານວຍການ ອົງການແພລນ ສາກົນ ປະຈໍາ ສປປ ລາວ ແລະ ທ່ານ ນາງ ດຣ ຈັນສີ ພິມມະຈັນ ຫົວໜ້າຄະນະກຳມະການອົງການຈັດຕັ້ງສັງຄົມລາວ (LCCC). ໃນພິທີປິດດັ່ງກ່າວ ແຕ່ລະສະມາຄົມໄດ້ຕັ້ງໂຕະວາງສະແດງຜົນງານຂອງຕົນເອງ ເພື່ອໃຫ້ແຂກທີ່ເຂົ້າຮ່ວມໃນງານໄດ້ຍ້ຽມຊົມ ແລະ ອຸດໜຸນຜະລິດຕະພັນທີ່ເປັນຂອງກຸ່ມເປົ້າໝາຍໂຄງການ ພ້ອມກັນນີ້ຍັງໄດ້ຈັດພິທີມອບໃບຍ້ອງຍໍໃຫ້ແກ່ທຸກສະມາຄົມທີ່ໄດ້ຈັດຕັ້ງປະຕິບັດໂຄງການ ຈາກກະຊວງສາທາລະນະສຸກ ກົມຄວບຄຸມພະຍາດຕິດຕໍ່ອີກດ້ວຍ.
ໂຄງການ CiSAC ໄດ້ຖືກຈັດຕັ້ງປະຕິບັດໂດຍການຮ່ວມມືລະຫວ່າງກະຊວງສາທາລະນະສຸກ, ສະມາຄົມພັດທະນາກະສິກຳ ແລະ ສິ່ງແວດລ້ອມແບບຍືນຍົງ (SAEDA), ສະມາຄົມສູຂະພາບຊຸມຊົນ ແລະ ການມີສ່ວນຮ່ວມ (CHIAS) ແລະ ອົງການແພລນ ສາກົນ ປະຈໍາ ສປປ ລາວ ພາຍໃຕ້ການຊີ້ນຳ ແລະ ຫ້ອງການປະສານງານອົງການຈັດຕັ້ງສັງຄົມ (LCCO).
ການໃຫ້ທຶນຂອງໂຄງການ CISAC ແມ່ນສ່ວນຫນຶ່ງຂອງທີມງານເອີຣົບຕອບໂຕ້ພະຍາດໂຄວິດ, ສະຫນອງໂດຍສະຫະພາບເອີຣົບ ເພື່ອແນໃສ່ສະໜັບສະໜູນລັດຖະບານແຫ່ງ ສປປ ລາວ ເພື່ອຫຼຸດຜ່ອນຜົນກະທົບດ້ານສຸຂະພາບ, ເສດຖະກິດ ແລະ ສັງຄົມ ຈາກພະຍາດລະບາດ ແລະ ເພີ່ມທະວີການຮ່ວມມືຢ່າງມີປະສິດທິຜົນກັບບັນດາອົງການຈັດຕັ້ງສັງຄົມ.
#ໄດ້ຮັບທຶນສະໜັບສະໜູນໂດຍສະຫະພາບເອີຣົບໃນ ສປປ ລາວ MOU ກັບກະຊວງສາທາລະນະສຸກ – ກົມຄວບຄຸມພະຍາດຕິດຕໍ່. ຈັດຕັ້ງປະຕິບັດຮ່ວມກັນໂດຍ: ອົງການ Plan ສາກົນ ເຢຍລະມັນ – Plan ລາວ, ສະມາຄົມສຸຂະພາບຊຸມຊົນ ແລະ ການມີສ່ວນຮ່ວມ (CHias), ສະມາຄົມພັດທະນາກະສິກໍາ ແລະສິ່ງແວດລ້ອມແບບຍືນຍົງ (SAEDA), ຮ່ວມມືກັນຢ່າງໃກ້ຊິດກັບ ກະຊວງແຮງງານ ແລະ ສະຫວັດດີການສັງຄົມ ແລະ ກະຊວງອື່ນໆ ແລະ ຄະນະສະເພາະກິດ ຂອງລັດຖະບານ, ປະສານງານຜ່ານ LCCO.
ຂຽນໂດຍ: ທ່ານ ນາງ ນ້ອຍນິລັນ ສຸວັນຍະວົງ
ພາບໂດຍ: ທ່ານ ນາງ ວົງນີິລັນ ແອງທອງມີ
by tony_admin | ສ.ຫ. 31, 2023 | ຂ່າວສານ
“ ສສສຄ ມອບຖົງຫ່ວງໄຍເພື່ອຊ່ວຍເຫຼືອບັນເທົາທຸກ ຜູ້ປະສົບໄພນໍ້າຖ້ວມຢູ່ແຂວງ ຫຼວງພະບາງ “
ໃນວັນທີ 17 ສິງຫາ 2023 ເວລາ 11:00 ສະມາຄົມສົ່ງເສີມສຸຂະພາບຄອບຄົວ (ສສສຄ), ໄດ້ສຳເລັດ ການໄປມອບເຄື່ອງ ຫລື ເອີ້ນວ່າຖົງຫ່ວງໄຍ (ໃນໜື່ງຖົງ ປະກອບມີ: ເຂົ້າສານ, ໝາກເຜັດ, ປາກະປ໋ອງ, ເຂົ້າໜົມ, ນົມ, ໝີ່, ຢາຖູແຂ້ວ, ນໍ້າປາ, ເກືອ, ກະທຽມ, ກະປິ, ສະບູ ແລະ ນໍ້າຕານ) ຈໍານວນ 240 ຖົງ, ລວມມູນຄ່າປະມານ 14,280,000 ກີບ, ເພື່ອຊ່ວຍເຫຼືອບັນເທົາທຸກ ຜູ້ປະສົບໄພນໍ້າຖ້ວມ ຢູ່ແຂວງຫຼວງພະບາງ ເຊິ່ງໄດ້ຮັບການສະໜັບສະໜູນ ແລະ ຊ່ວຍເຫລືອລ້າ ຈາກບຸກຄົນຜູ້ທີ່ມີນໍ້າໃຈ ບໍລິຈາກສົມທັບກັບ ຮອງປະທານ ສສສຄ ກໍ່ຄື ທ່ານ ນາງ ຈັນສະໝອນ ຈິນດາວົງສີສຸລາດ ທີ່ເປັນຜູ້ຊີ້ນຳ ແລະ ນໍາພາໃນການບໍລິຈາກ.
ໃນການມອບເຄື່ອງຄັ້ງນີ້, ຕາງໜ້າ ສສສຄ ມອບໂດຍ ທ່ານ ນາງ ດຣ.ຈັນສີ ພິມພະຈັນ ປະທານ ສສສຄ ພ້ອມດ້ວຍຄະນະ ໄດ້ສຳເລັດການໄປມອບຖົງຫ່ວງໄຍ ໃຫ້ແກ່ສະມາຄົມອອບໂລດ ເພື່ອນຳຖົງຫ່ວງໄຍ ເຫຼົ່ານີ້ໄປມອບຕໍ່ ໃຫ້ກັບສອງແຂວງພາກໃຕ້ ທີ່ໄດ້ປະສົບກັບໄພນໍ້າຖ້ວມ.
ສສສຄ ຂໍສະແດງຄວາມຮູ້ບຸນຄຸນ ແລະ ຂໍຂອບໃຈຢ່າງສູງ ມາຍັງຜູ້ບໍລິຈາກຖົງຫ່ວງໄຍ ໃນຄັ້ງນີ້ດ້ວຍ.
ຈຸດປະສົງ:
1. ເພື່ອມອບຖົງຫ່ວງໄຍ ຊ່ວຍເຫຼືອບັນເທົາທຸກ ແກ່ຜູ້ປະສົບໄພນໍ້າຖ້ວມ
2. ເພື່ອຂັບເຄື່ອນ ວຽກງານບໍລິຈາກ ຂອງສະມາຄົມ ໃຫ້ປະສົບຜົນສຳເລັດ ໃນປີ 2023
ໝາຍເຫດ: ສຳລັບພາກສວ່ນໃດ ທີ່ສົນໃຈຢາກຮ່ວມບໍລິຈາກຖົງຫ່ວງໄຍ ສາມາດຮ່ວມສົມທົບກັບ ສສສຄ ເພື່ອໄປຊ່ວຍເຫຼືອຜູ້ປະສົບໄພຢູ່ 4 ແຂວງພາກໃຕ້ ແລະ ນອກຈາກນີ້ ພວກເຮົາຍັງຮັບບໍລິຈາກ ຖົງຊຸດຜ້າອ້ອມ ແລະ ເຄື່ອງອື່ນໆ. ທ່ານສາມາດບໍລິຈາກໄດ້ທີ່ ສະມາຄົມສົ່ງເສີມສຸຂະພາບຄອບຄົວ ບ້ານໂພນເຄັງ ເມືອງໄຊເສດຖາ ນະຄອນຫຼວງວຽງຈັນ ເຮືອນເລກທີ່ 449 ຮ່ອມ 8 ຫຼື ໄດ້ທີ່ເລກບັນທີ່ ສະມາຄົມສົ່ງເສີມສຸຂະພາບຄອບຄົວ.
KIP 01012 0000 3351 71001
BATH 09212 0200 3351 71001
DOLLA 01012 0100 3351 71001
ຂຽນຂ່າວໂດຍ: ນາງ ສົມຈິງ ພັນທະສຸກ
ກວດແກ້ໂດຍ: ດຣ ສຸດທິສຸກ ອິນທະວິໄລ
by tony_admin | ສ.ຫ. 16, 2023 | ຂ່າວສານ
ໃນວັນທີ 10 ສິງຫາ 2023, ສສສຄ ໄດ້ຈັດກອງປະຊຸມປະຖົມມະນິດເທດຫົວໜ້າໜ່ວຍງານ ທີ່ເປັນຄະນະບໍລິຫານຫ້ອງການ ສສສຄ. ຈຸດປະສົງ ແມ່ນ ເພື່ອເປັນການແນະແນວທາງການເຮັດວຽກໃນຖານະຜູ້ບໍລິຫານຂອງອົງກອນ ແລະ ຊ່ວຍຂັບເຄື່ອນວຽກຂອງໜ່ວຍງານທີ່ຕົນເອງເປັນຫົວໜ້າ. ນໍາພາ ແລະ ອໍານວຍຄວາມສະດວກໂດຍ ດຣ ສຸພົນ ໄຊຍະວົງ, ຜູ້ອໍານວຍການ ສສສຄ ແລະ ເຂົ້າຮ່ວມຫົວໜ້າໜ່ວຍງານ 8 ທ່ານ ທີ່ເປັນທີມບໍລິຫານຫ້ອງການ (Senior Management Team). ລະຫວ່າງກອງປະຊຸມດັ້ງກ່າວ ໄດ້ນໍາສະເໜີ ແລະ ສົນທະນາກັນເຖິງ ຍຸດທະສາດ ແລະ ແຜນງານ ສສສຄ, ໂຄງຮ່າງການຈັດຕັ້ງ. ບົດບາດໜ້າທີ່ ຂອງໜ່ວຍງານ, ແຜນງານໜ່ວຍງານ, ຄວາມຄືບໜ້າ ແລະ ບົດຮຽນທີ່ຖອດຖອນໄດ້ ເປັນຕົ້ນ. ຜ່ານການປະຊຸມ ເຫັນວ່າ ຜູ້ເຂົ້າຮ່ວມໄດ້ເຂົ້າໃຈ ແລະມີຄວາມຮູ້ ທີ່ສາມາດນໍາໄປໃຊ້ເພື່ອປະຕິບັດໜ້າທີ່ຂອງຕົວເອງກໍ່ຄືບໍລິຫານໜ່ວຍງານຕົນເອງໄດ້ຕໍ່ໄປ.
————————————
On 10 August 2023, PFHA organized the orientation meeting for Senior Management Team(SMT). The purpose of meeting was to introduce the principle of working as SMT within PFHA in order to leverage PFHA. The meeting facilitated by Dr Souphon Sayavong, Executive Director and participated by 8 head of unit (SMT). During the meeting, there was presentation and discussion on PFHA strategy and program, organizational chart, roles and responsibilities of unit, unit workplan with indicators, progress and lesson learned, etc. Through, the meeting evaluation, the participant said the meeting was useful.
ຂຽນໂດຍ: ດຣ ສຸພົນ ໄຊຍະວົງ, ຜູ້ອໍານວຍການ
ພາບໂດຍ: ນ. ສົມຈິງ ພັນທະສຸກ
ກວດໂດຍ: ທ. ວິລະສິດ ອິນທທະຫວາ
by tony_admin | ສ.ຫ. 15, 2023 | ຂ່າວສານ
ໃນວັນທີ 11 ສິງຫາ 2023, ສະມາຄົມສົ່ງເສີມສຸຂະພາບຄອບຄົວ ໄດ້ຖືກເຊີນໃຫ້ເຂົ້າຮ່ວມຈັດບູສ ວາງສະແດງຜົນງານ ແລະ ຮ່ວມປະກອບສ່ວນຈັດກິດຈະກຳ ໃນງານສະເຫຼີມສະຫຼອງວັນ ໄວໜຸ່ມສາກົນ ປະຈຳປີ 2023 ຢູ່ທີ່ ສູນການຄ້າລາວໄອເຕັກມໍ ຕຶກເກົ່າ ຊັ້ນໜຶ່ງ.
ຈຸດປະສົງຂອງງານ ແມ່ນ ເພື່ອເປັນການປຸກຈິດສໍານຶກໃຫ້ທຸກພາກສ່ວນເຫັນເຖິງຄວາມສໍາຄັນຂອງໄວໜຸ່ມທີ່ເປັນແຮງຂັບເຄືອນທີ່ສຳຄັນໃນການພັດທະນາປະເທດ ເຊິ່ງເປັນກຸ່ມປະຊາກອນທີ່ກວມອັດຕາສ່ວນຫຼາຍກວ່າ 60% ຂອງພົນລະເມືອງພາຍໃນປະເທດ ແລະພ້ອມດຽວກັນນັ້ນ ງານປີນີ້ຍັງໄດ້ເນັ້ນໜັກເຖິງສິ່ງແວດລ້ອມໂດຍໄດ້ມີຫົວຂໍ້ ທັກສະສີຂຽວ ເພື່ອເຮັດໃຫ້ຄົນໃນສັງຄົມໂດຍສະເພາະໄວໜຸ່ມໄດ້ຮັບຮູ້ເຖິງບັນຫາການປ່ຽນແປງຂອງສະພາບດິນຟ້າອາກາດ ແລະ ການຮັກສາສິ່ງແວດລ້ອມ, ເຊີ່ງຕາງໜ້າເຂົ້າຮ່ວມຈັດບູສໃນງານຄັ້ງນີ້ໂດຍ ທ່ານ ດຣ ບົວວັນ ສົມສະນິດ, ທ່ານ ວັນນານ້ອຍ ນິຍົມສິນ, ບໍລິຫານຫ້ອງການ, ທີມງານມີເດຍ ແລະ ນັກສຶກສາຝຶກງານ.
ໃນງານດັ່ງກ່າວ, ແມ່ນໄດ້ມີການສະແດງສິລະປະວັນນະຄະດີ, ການເປົ່າແຄນ, ການໂຕ້ວາທີ, ເວທີສົນທະນາ, ການແຂ່ງຂັນແຕ້ມຮູບ ແລະ ຮ່ວມຫຼິ້ນກິດຈະກຳກັບບັນດາບູສຂອງອົງການຈັດຕັ້ງທາງສັງຄົມ, ອົງການຈັດຕັ້ງສາກົນ ແລະ ພາກລັດ. ເຊິ່ງມີກິດຈະກຳທີ່ຫຼາກຫຼາຍ ຕະຫຼອດໄລຍະເວລາໜຶ່ງວັນ ໂດຍບູສຂອງ ສສສຄ ແມ່ນໄດ້ມີກິດຈະກຳການຕອບຖາມ, ຖ່າຍຮູບ ແລະ ໂຄສະນາກ່ຽວກັບການບໍລິການດ້ານສຸຂະພາບຈະເລີນພັນແກ່ໄວໜຸ່ມ ພ້ອມທັງແຈກຂອງລາງວັນທີ່ຫຼາກຫຼາຍເຊັ່ນ: ຖົງຢາງອະນາໄມ, ຈອກ, ຕຸກນ້ຳ ເປັນຕົ້ນ ເຊິ່ງມີໄວໜຸ່ມເຂົ້າຮ່ວມຫຼາຍກວ່າ 100 ກວ່າຄົນ.
ຂຽນຂ່າວໂດຍ: ທ. ວັນນານ້ອຍ ນິຍົມສິນ
ຖ່າບພາບໂດຍ: ນ. ວົງນິລັນ ແອງທອງມີ
by tony_admin | ສ.ຫ. 15, 2023 | ຂ່າວສານ
ໃນວັນທີ 2 ສິງຫາ 2023, ສສສຄ ໄດ້ຖືກເຊີນໃຫ້ເຂົ້າຮ່ວມ ງານສະເຫຼີມສະຫຼອງວັນ ສັບປະດາ ສາກົນ ການລ້ຽງລູກດ້ວຍນົມແມ່ ຢູ່ ທີ່ໂຮງແຮມ ຄຣາວພລາຊາ ຈາກ SUN CSA Laos. ຈຸດປະສົງຂອງງານ ແມ່ນ ເພື່ອເປັນການປຸກຈິດສໍານຶກໃຫ້ທຸກພາກສ່ວນເຫັນເຖິງຄວາມສໍາຄັນ ໃນການລ້ຽງລູກດ້ວຍນົມແມ່ ຂອງ ສະຖານທີ່ເຮັດວຽກ. ຕາງໜ້າເຂົ້າຮ່ວມໂດຍ ດຣ ສຸພົນ ໄຊຍະວົງ, ຜູ້ອໍານວຍການ ສສສຄ ແລະ ມີຜູ້ເຂົ້າຮ່ວມຈາກພາກສ່ວນຕ່າງໆ ທັງພາກລັດ ຂັ້ນກະຊວງ, ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ ແລະ ພາກເອກະຊົນ ຫຼາຍກວ່າ 100 ທ່ານ. ໃນງານດັ່ງກ່າວ, ນອກຈາກໄດ້ຮັບຟັງປະຫວັດຄວາມເປັນມາ ຂອງ ວັນສັບປະດາ ສາກົນ ການລ້ຽງລູກດ້ວຍນົມແມ່, ຊົມວິດີໂອ ແລະ ຟັງການສົນທະນາເທິງເວທີ ແລ້ວ ຍັງມີການມອບລາງວັນ ດີເດັ່ນປະເພດຕ່າງໆ ໃຫ້ແກ່ພາກສ່ວນທີ່ມີຜົນງານດີເດັ່ນ ໃນດ້ານຄວາມເອົາໃຈໃສ່ ການລ້ຽງລູກດ້ວຍນົມແມ່ ໃນສະຖານທີ່ເຮັດວຽກ ເຊິ່ງໃນນັ້ນ ສສສຄ ກໍ່ໄດ້ຮັບລາງວັນດີເດັ່ນ ປະເພດທີ ໜຶ່ງ ຈາກ SUN CSA Laos ເຊັ່ນກັນ.
———————————————————————–
On 2 August 2023, PFHA was invited to join SUN Laos World Breastfeeding Week 2023 Celebration at Lao Crow Plaza, Vientiane Capital. The purpose of event was to raise awareness of World Breastfeeding Week to people and the workplace. Dr Souphon Sayavong, Executive Director represented PFHA and there were more than 100 participants from other sectors such as representatives from Ministries, INGOs, CSOs, and private sectors. During the event, in addition to presenting the history of World Breastfeeding Week, video watching, panelist discussion, there was also awards for excellent workplace on promoting breastfeeding. PFHA also got the first award from SUN CSA Laos.
